ԵՐԵՎԱՆ, 18 մարտի. /Նովոստի-Արմենիա/. Լոռու մարզում կողոպուտ է տեղի ունեցել` տարեց կնոջ վրա հարձակում գործելու եղանակով:
Ինչպես հայտնում է shamshyan.com-ը, ժամը 03։50-ի սահմաններում ոստիկանության Տաշիրի բաժին ահազանգ է ստացվել, որ մարտի 16-ին, ժամը 22։30-ից մինչև մարտի 17-ի ժամը 02։50-ն ընկած ժամանակահատվածում անհայտ անձինք Մեծավան գյուղի Թեհլերյան փողոցի թիվ 7 տան բնակիչ՝ 82-ամյա Նույեմ Հակոբյանի տան պատուհանի ապակին հանելու միջոցով մտել են ներս և հարձակվել անօգնական կնոջ վրա, կպչուն ժապավենով փակել բերանը և նրանից հափշտակել ոսկյա մատանի, 220 հազար դրամ, 50 ԱՄՆ դոլար, 15 հազար ՌԴ ռուբլի և դիմել փախուստի։
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, կատարողներին և գողոնը հայտնաբերելու ուղղությամբ։
Փաստի առթիվ նյութեր են նախապատրաստվում:
Ըստ աղբյուրի, Ն. Հակոբյանին պատճառվել է մոտ 600 հազար դրամի վնաս։-0-
