Խոշոր ու ողբերգական ավտովթար Վանաձորում. կա 1 զոհ, 2 վիրավոր (ՖՈՏՈ)

ԵՐԵՎԱՆ, 23 մարտի. /Նովոստի-Արմենիա/. Նախօրեին՝ մարտի 22-ին, խոշոր ու ողբերգական ավտովթար է տեղի ունեցել Լոռու մարզում:

Ինչպես հայտնում է shamshyan.com-ը, ժամը 21:00-ի սահմաններում Վանաձոր քաղաքի Նարեկացու 4 հասցեի դիմաց բախվել են Վանաձոր քաղաքի բնակիչ, 35-ամյա Ալբերտ Մարտիրոսյանի վարած Dodge NEON մակնիշի, Արարատի մարզի Ավշար գյուղի բնակիչ, 36-ամյա Վիգեն Թովմասյանի վարած Freghtliner Columbia մակնիշի և Լոռու մարզի Գուգարք գյուղի բնակիչ, 37-ամյա Մացակ Առաքելյանի վարած Lexus ԼX 470 մակնիշի ավտոմեքենաները:

Վթարի հետևանքով Dodge–ի վարորդ Ա. Մարտիրոսյանը և Lexus-ի ուղևոր, 27-ամյա Զավեն Շահվերդյանը մարմնական վնասվածքներրվ տեղափոխվել են Վանաձոր բժշկական կենտրոն, իսկ Lexus-ի վարորդ Մ. Առաքելյանը մահացել է:

Վիրավորներից մեկին ավտոմեքենայից դուրս են բերել փրկարարներն ու քաղաքացիները: Փաստի առթիվ հարուցվել է քրեական գործ՝ ՀՀ քր օր–ի 242 հոդվածի 2-րդ մասի (
Ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) հատկանիշներով:-0-