ԵՐԵՎԱՆ, 20 մարտի. /Նովոստի–Արմենիա/. Երեկ՝ մարտի 19-ին, խոշոր ավտովթար է տեղի ունեցել Սյունիքի մարզում։
Shamshyan.com–ի հաղորդմամբ, ժամը 16։30-ի սահմաններում Երևան քաղաքի Աբելյան փողոցի բնակիչ, 46-ամյա Անդրանիկ Բաղիյանը Երևան-Մեղրի ավտոճանապարհի 227-րդ կմ հատվածում իր վարած Akura մակնիշի ավտոմեքենայով դեպի Գորիս ընթանալիս դուրս է եկել ճանապարհի երթևեկելի գոտուց, մի քանի պտույտ շրջվելով՝ կողաշրջված վիճակում հայտնվել դաշտում։
Վթարի հետևանքով Ա. Բաղիյանն ու նրա ուղևորը՝ Երևան քաղաքի Շինարարների փողոցի բնակիչ, 59-ամյա Հայկ Աբրահամյանը մարմնական վնասվածքներով տեղափոխվել են Գորիսի բժշկական կենտրոն։
Կայքի հաղորդմամբ, ավտոմեքենայի մեջ ճանապարհային ոստիկաններն ու Գորիսի ոստիկանները հայտնաբերել են 12 ՏՉ մեկփողանի ողորկափող որսորդական հրացան և «Տոզ 17» տիպի 5.6 մմ ՏՉ ակոսավոր հրացան։
Ստուգման նպատակով նշված զենքերը իրենց փաստաթղթերով առգրավվել են։
Փաստի առթիվ նյութեր են նախապատրաստվում։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում