Ինքնասպանության փորձ Երևանում

ԵՐԵՎԱՆ, 24 օգոստոսի. /Նովոստի–Արմենիա/. Նախօրեին երեկոյան ինքնասպանության փորձ է գրանցվել Երևանում։


ՀՀ ԱԻՆ Փրկարար ծառայության հաղորդմամբ, օՕգոստոսի 23-ին, ժամը 20:17-ին ահազանգ է ստացվել, որ Երևան քաղաքի Դավթաշենի գերեզմանատանը քաղաքացին ինքնասպանության փորձ է կատարել ՝ վնասելով երակները, անհրաժեշտ է փրկարարների օգնությունը:

Դեպքի վայր է մեկնել հատուկ հրշեջ ջոկատը:

Փրկարարները գետնին ընկած՝ որովայնի և ոտքի շրջանում կտրած վերքերով, հայտնաբերել են 1971 թ. ծնված Ս. Հ.-ին, ով հոսպիտալացվել է «Արմենիա» ԲԿ:

Դեպքի վայրում են գտնվել ոստիկանության և շտապօգնության աշխատակիցները:–0–