ԵՐԵՎԱՆ, 19 սեպտեմբերի. /Նովոստի–Արմենիա/. Այսօր՝ սեպտեմբերի 19-ին, արտակարգ դեպք է տեղի ունեցել Արարատի մարզում:
Ժամը 01:00-ի սահմաններում որովայնի առաջային պատի հրազենային վնասվածք ախտորոշմամբ հոսպիտալացվել է մի քաղաքացի, հաղորդում է shamshyan.com–ը։
Ոստիկանները պարզել են, որ վիրավորը Արարատ գյուղի բնակիչ 38-ամյա Վիրաբ Պողոսյանն է, ով, ըստ բժիշկների հայտարարության՝ ի վիճակի չէ կատարվածի մասին բացատրություն տալ:
Загружается новость ... "Лево"
Կայքի տեղեկություններով՝ նա իր տան լոգարանում ինքնասպանություն գործելու նպատակով կրակել է որովայնին երկաթյա խողովակով պատրաստված ինքնաշեն կրակող առարկայից:
Ոստիկանները հայտնաբերել են նաև ինքնաշեն կրակող առարկան: Փաստի առթիվ հետաքննություն է սկսվել:
Կայքի տեղեկություններով՝ տղամարդուն լոգարանում հայտնաբերել է 63-ամյա մայրը:–0–