Հայտնաբերվել է Արմավիրի մարզպետի խորհրդականի դին. ոստիկանություն

ԵՐԵՎԱՆ, 26 հուլիսի. /Նովոստի–Արմենիա/. Ոստիկանության ծառայողների ձեռնարկած օպերատիվ-հետախուզական միջոցառումների արդյունքում հուլիսի 25-ին ժամը 23.30-ի սահմաններում Արմավիրի մարզի Մյասնիկյան-Դալարիկ ճանապարհի 3-րդ կմ-ից դեպի աջ ընկած՝ մոտ 300 մ հեռավորությամբ գտնվող «Դալարիկի ձոր» կոչվող տարածքում, հայտնաբերվել է 1965 թ. ծնված Մանուկ Սիմոնյանի դիակը, ով հուլիսի 23-ից ոստիկանության Արմավիրի բաժնի կողմից որոնվում էր որպես անհետ կորած, հաղորդում է ՀՀ ոստիկանությունը։

«Նշանակվել է դատաբժշկական փորձաքննություն:Կատարվում է նախաքննություն», – նշվում է հաղորդագրության մեջ։

Փաստի առթիվ Հայաստանի քննչական կոմիտեի Արմավիրի մարզային քննչական վարչությունում հարուցվել է քրեական գործ ՀՀ ՔՕ 104 հոդվածի 1-ին մասի (սպանություն) հատկանիշներով:–0–