Հայերի և վրացիների միջև զանգվածային ծեծկռտուք է տեղի ունեցել Երևանի կենտրոնում

ԵՐԵՎԱՆ, 4 դեկտեմբերի./Նովոստի–Արմենիա/. Դեկտեմբերի 2-ին ծեծկռտուք է տեղի ունեցել Երևանում:

Shamshyan.com–ի հաղորդմամբ, կեսգիշերին ոստիկանները Թումանյան փողոցում գործող ակումբներից մեկի մոտակայքից բերման են ենթարկել 25-ամյա Տարոն Աղեկյանին, 42-ամյա Ռուբեն Մարտիրոսյանին, 27-ամյա Սամվել Այդինյանին, 25-ամյա Թաթուլ Այդինյանին, Վրաստանի Հանրապետության քաղաքացիներ 37-ամյա Թինա Չխեդիային, 35-ամյա Նիկոլոզ Թավաձեին, 37-ամյա Մակա Պապասկուային:

Փաստի առթիվ ոստիկանության Կենտրոնական բաժնի հետաքննչական բաժանմունքում նյութեր են նախապատրաստվում:

ՀՀ քաղաքացիները հրաժարվել են կատարվածի մասին հաղորդում տալ, իսկ վրացիներին լսել հնարավոր չի եղել թարգմանիչ չլինելու պատճառով:

«Վրաստանի քաղաքացիները Երևանում ժամանակավորապես բնակվում են «Օպերա Սուիթ» հյուրանցային համալիրում», – նշվում է հաղորդագրության մեջ։–0–