ԵՐԵՎԱՆ, 16 նոյեմբերի. /Նովոստի-Արմենիա/. Յարոսլավլ-Կոստրոմա ավտաճանապարհին տեղի ունեցած սարսափելի ավտովթարի կադրերը հայտնվել են համացանցում: Նշվում է, որ բեռնատարը ճմռթել է «Ֆորդ» մակնիշի ավտոմեքենան, և վերջինիս վարորդը տեղում մահացել է:
Ըստ նախնական տեղեկությունների, «Ֆորդ» մակնիշի աոտոմեքենայի վարորդը դուրս է եկել հանդիպակաց գոտի և բախվել բեռնատարին: Ինչպես հայտնում է 76.ru-ն, ՃՏՊ նախաքննությունը շարունակվում է:
Հայտնի է դարձել, որ «Ֆորդի» վարորդն է եղել 54-ամյա Մխիթարը, ով երեք ամիս առաջ եկել է Հայաստանից իր ընկերոջ մոտ` Յարոսլավլ: Այդ օրը նա ընկերոջ հետ միասին գնում էր Կոստրոմա, սակայն նրանք գնում էին տարբեր մեքենաներով:
Загружается новость ... "Лево"
«Ես գնում էի նրա հետևից: Հասել եմ դեպքից մոտ 10 րոպե անց և ցնցված եմ, - պատմել է մահացածի ընկեր Գուրգենը. – Նա մեծ պլաններ ուներ բիզնեսի հետ կապված…Վերջին ժամանակներս այնքան էր ուրախանում…Այսօր նրա դագաղը տեղափոխել են Հայաստան: Հայաստանում են նրա կինը, երկու որդիները և դուստրը»:
Գուրգենի խոսքով, Մխիթարը չէր կարող առաջ անցնել այդ բեռնատարից, քանի որ մեքենայում աշխատում էին միայն առաջին և երկրորդ փոխանցման տուփը, իսկ այդ արագությունը բավարար չէ վազանց կատարելու համար: Նա ենթադրում է, որ մեղավորը բեռնատարի վարորդն է:
«Ուղղակի ցանկանում եմ, որպեսզի արդարությունը հաղթի», - ասել է Գուրգենը:
ՃՏՊ-ն տեղի է ունեցել նոյեմբերի 12-ին ժամը 15:40 Պեսոչնոյե գյուղի մոտակայքում: Բեռնատարը ճզմել է ուղևորատար մեքենան:-0-