Հայաստանցի շինարարը Մոսկվայում այրվածքներ է ստացել եռման ջրից ու մահացել

ԵՐԵՎԱՆ, 10 հունվարի./Նովոստի–Արմենիա/. 68–ամյա հայաստանցին մահացել է Մոսկվայում վերանորոգման աշխատանքների ժամանակ։ Ենթադրվում է, որ նա վնասել է սրբիչների չորացուցիչի խողովակն ու չի կարողացել դուրս գալ լոգարանից։

Միջադեպը տեղի է ունեցել նախօրեին մոսկովյան բնակարաններից մեկում, հաղորդում է Рен-ТВ-ն։

Հայտնի է, որ հայաստանցի շինարարը պետք է մեծացներ պատի անցքը, որպեսզի սանտեխնիկը կարողանար հասնել տաք ջրի փակման կափույրին։

Նախնական տվյալներով, շինարարը հորատիչով աշխատելիս վնասել է խողովակն ու ընկել լոգարանում։ Տղամարդը մահացել է կամ ստացված այրվածքներից կամ էլեկտրահարումից կամ ընկնելու հետևանքով ստացած հարվածից։–0–