ԵՐԵՎԱՆ, 14 ապրիլի./Նովոստի–Արմենիա/.ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ օտարերկրյա քաղաքացու նկատմամբ կատարված ավազակային հարձակման դեպքի առթիվ, կասկածյալը ձերբակալվել է, հաղորդում է ՀՀ ՔԿ մամուլի ծառայությունը։
Загружается новость ... "Лево"
2018 թվականի ապրիլի 12-ին Օմանի Սուլթանության քաղաքացուց հաղորդում է ստացվել առ այն, որ նույն օրը ժամը 00:00-ի սահմաններում Երևանի Թումանյան փողոցում գործող ակումբներից մեկում ենթարկվել է հարձակման, այն է՝ դանակի գործադրմամբ առողջության համար վտանգավոր բռնություն գործադրելու սպառնալիքով իրեն դուրս են հանել ակումբից, նստեցրել տաքսի ավտոմեքենա, հափշտակել դրամապանակը, որտեղ եղել են նույնականացման քարտեր, բանկային քարտեր և գումար: Այնուհետև նույն անձն իրեն տարել է Երևան քաղաքի Նորք-Մարաշ վարչական շրջանում գտնվող բնակարան, որտեղ բռնություն է գործադրել իր նկատմամբ ու հափշտակել իր «Այֆոն 7+» մոդելի բջջային հեռախոսն ու ականջակալները:
Դեպքի առթիվ ՀՀ ՔԿ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 175-րդ հոդվածի 2-րդ մասի 4-րդ կետով (ավազակություն):
Քրեական գործով Օմանի Սուլթանության քաղաքացին ճանաչվել է տուժող, կատարվել է դեպքի վայրի զննություն, նշանակվել դատաբժշկական փորձաքննություն:
Загружается новость ...
"Право"
Ձեռնարկված անհրաժեշտ միջոցառումների արդյունքում պարզվել է ենթադրյալ հանցագործություն կատարած անձի ինքնությունը, ով Գվինեայի Հանրապետության քաղաքացի է՝ ծնված 1988թ.: Նույն օրը վերջինս ներկայացվել է վարույթն իրականացնող մարմնին: Նրա անձնական խուզարկությամբ հայտնաբերվել է տուժողի բջջային հեռախոսն ու դրամապանակը:
Կասկածյալը ձերբակալվել է ՀՀ քրեական օրենսգրքի 175-րդ հոդվածի 2-րդ մասի 4-րդ կետով նախատեսված հանցագործություն կատարելու կասկածանքով:
Նախաքննությունը շարունակվում է:–0–