ԵՐԵՎԱՆ, 26 փետրվարի. /Նովոստի–Արմենիա/. Երեկ՝ փետրվարի 25-ին, արտակարգ դեպք է տեղի ունեցել Երևանում:
Shamshyan.com–ի հաղորդմամբ, ժամը 18:30-ի սահմաններում Ոստիկանության Երևան քաղաքի վարչության պարեկապահակային ծառայության գնդի 3-րդ վաշտի 1-ին դասակի ծառայողները Կիևյան կամրջի տարածքում ծառայություն կատարելու ժամանակ նկատել են, որ մի կին բարձրացել է Կիևյան կամիջի վրա, անցել վտանգավոր եզրագիծը և քաղաքացիներին հայտնում է, որ հոգնել է կյանքից և ցանկանում է իրեն ցած նետել:
Загружается новость ... "Лево"
Ոստիկանները մոտ 30 րոպե բանակցություններ են վարել կնոջ հետ և կարողացել են նրան համոզել, որպեսզի նա չդիմի այդ ծայրահեղ քայլին:
Այդ կինը ոստիկաններին հայտնել է, որ առողջական խնդիրների պատճառով է ցանկանում ինքնասպասն լինել:
Կայքի տեղեկություններով՝ այդ կինը Երևան քաղաքի բնակիչ 41-ամյա Մարինե Հ.-ն է, ում ոստիկանները տեղափոխել են Մաշտոցի Ոստիկանություն, որտեղ էլ փաստի առթիվ նյութեր են նախապատրաստվում:–0–