Երիտասարդը սպիտակեցնող հեղուկ է լցրել հղի ընկերուհու ջրի մեջ` չցանկանալով հայր դառնալ

ԵՐԵՎԱՆ, 28 հոկտեմբերի. /Նովոստի–Արմենիա/. ԱՄՆ Պենսիլվանիայի քոլեջի նախկին ուսանողին մեղադրանք է առաջադրվել մահափորձ կազմակերպելու մեջ այն բանից հետո, երբ նա խոստովանել է, որ սպիտակեցնող հեղուկ է լցրել իր զուգընկերուհու ջրի մեջ, գրում է lenta.ru–ն` հղում անելով New York Post–ին։

21–ամյա Թեոֆիլուս Վաշինգտոնը (Theophilous Washington) իր ընկերուհուն տվել է շիշ, որի մեջ քիմիական նյութ է եղել։ Նշենք, որ աղջիկը երկու ամսական հղի է եղել։ Միջադեպը տեղի է ունեցել առավոտյան` հանրակացարանում գտնվող երիտասարդի սենյակում։

Վաշինգտոնի խոսքով, նա ջրի մեջ սպիտակեցնող նյութ է լցրել, քանի որ չի ցանկացել, որպեսզի նրա զուգընկերուհին երեխա ունենա։

Հրատարակությունը չի նշում, թե երբ է տեղի ունեցել միջադեպը։ Հայտնի է միայն, որ երեխան լույս աշխարհ է եկել։ Հաղորդվում է, որ մայրիկն ու փոքրիկն իրենց լավ են զգում։–0–