Երևանում անչափահաս վարորդը մահվան ելքով վրաերթի է ենթարկել կնոջը

ԵՐԵՎԱՆ, 5 օգոստոսի. /Նովոստի-Արմենիա/. ՈՒրբաթ՝ օգոստոսի 4-ին, վրաերթ է տեղի ուեցել Երևանում: Ժամը 21:00-ի սահմաններում Audi A3 մակնիշի ավտոմեքենայի վարորդը Դավիթաշենի կամրջից դեպի Սասնա Ծռեր փողոց տանող ճանապարհահատվածում՝ ԱԺ նախկին պատգամավոր, Ծաղիկ Ռուբո մականվամբ Ռուբեն Գևորգյանի տան դիմաց, վրաերթի է ենթարկել փողոցը թույլատրելի հատվածով անցնող հետիոտնին:

Աղբյուրի հաղորդմամբ՝  մեքենայի դիմապակին ամբողջովին վնասվել է և դիմապակու վրա էլ կան վրաերթի հետքեր: Վարորդը ավտոմեքենան թողներով դեպքի վայրում, վիրավորին էլ՝ անօգնական, դիմել է փախուստի:

Ճանապարհային ոստիկանությունն ու Դավիթաշենի ոստիկանության բաժանմունքի ծառայողները ձեռնարկում են անհրաժեշտ օպերատիվ- հետախուզական գործողություններ՝ դեպքի վայրից փախուստի դիմած վարորդին հայտնաբերելու ուղղությամբ:

Կայքի տեղեկություններով՝ վարորդը 14-ից 15 տարեկան երեխա է՝ Դավիթ Ավետիսյան անուն ազգանվամբ, ում հայրը այս պահին էլ դեպքի վայրում է:

Փաստի առթիվ հարուցվել է քրեական գործ՝ ՀՀ քր. Օր.ի 242 հոդվածի (Ճանապարհային երթեւեկության եւ տրանսպորտային միջոցների շահագործման կանոնները խախտելը) 2-րդ մասի հատկանիշներով: -0-