Ազատության պողոտայում մեքենան ընկել է փոսն ու կողաշրջվել

ԵՐԵՎԱՆ, 21 ապրիլի. /Նովոստի-Արմենիա/. Նախօրեին՝ ապրիլի 20-ին, ժամը 19:56-ին 911 ծառայությանն ահազանգ է ստացվել, որ Երևան քաղաքի Ազատության պողոտայի նրբանցքի թիվ 4 շենքի մոտակայքում ավտոմեքենան ընկել է փոսը և կողաշրջվել. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները Opel Astra մակնիշի ավտոմեքենան (վարորդ՝ Մ.Մ.) ուղղել և դուրս են բերել երթևեկելի հատված: Տուժածներ չկան:-0-