ԵՐԵՎԱՆ, 15 օգոստոսի. /Նովոստի-Արմենիա/. Այսօրվա ընթացքում ռումբի մասին երկրորդ ահազանգն է ստացվել Արտակարգ իրավիճակների նախարարություն։
Загружается новость ... "Лево"
Ըստ տարածված հաղորդագրության, օգոստոսի 15-ին, ժամը 21:33-ին քաղաքացին ահազանգել է «911» ծառայությանը և սպառնացել, որ պատրաստվում է ռումբ տեղադրել Երևան քաղաքի Տիգրան Մեծի պողոտայում գտնվող «Սիլաչի» հյուրանոցում:
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Նշվում է, որ ժամը 22:20-ին փրկարարներն ավարտել են հյուրանոցից մարդկանց տարհանումը (120 հոգի). որոնողական աշխատանքները շարունակվում են:-0-