ԵՐԵՎԱՆ, 4 հունվարի./Նովոստի–Արմենիա/. «Զվարթնոց» օդանավակայանում մարդկանց առևտրի մեղադրանքով հետախուզվող 20–ամյա ՌԴ քաղաքացի է հայտնաբերվել։
Загружается новость ... "Лево"
Ինչպես հաղորդում է ՀՀ ոստիկանության մամուլի ծառայությունը, հունվարի 3-ին ժամը 04.20-ին ոստիկանության Զվարթնոց օդանավակայանի գծային բաժնի քրեական հետախույզների ձեռնարկված օպերատիվ-հետախուզական միջոցառումների շնորհիվ Մոսկվա-Երևան չվերթի ինքնաթիռի ժամանումից հետո բաժին բերման է ենթարկվել ՌԴ քաղաքացի՝ 20-ամյա Տախմինա Ս.-ն, որը սեպտեմբերի 1-ից Տաջիկստանի Հանրապետության իրավապահների կողմից հետախուզվում է Տաջիկստանի Հանրապետության քրեական օրենսգրքի 130.1 հոդվածի 2-րդ մասի՝ մարդկանց առևտրի մեղադրանքով: Խափանման միջոցը՝ կալանք:
«Տախմինա Ս.-ին հայտնաբերելու մասին տեղյակ է պահվել հետախուզումը նախաձեռնողին», – նշվում է գերատեսչության հաղորդագրության մեջ։–0–
