Երևանում վերամբարձ կռունկից նետվել ցանկացող տղամարդը վերջնագիր է ներկայացրել

ԵՐԵՎԱՆ, 3 մարտի. /Նովոստի–Արմենիա/.Երևանում ավելի քան չորս ժամ վերամբարձ կռունկի վրա կանգնած տղամարդը, ով սպառնում է ինքնասպան լինել, վերջնագիր է ներկայացրել։

56–ամյա Մանուկ Միսակյանն ուրբաթ կեսօրին բարձրացել է Խանջյան փողոցի Jose ժամանցային կենտրոնի մոտակայքում գտնվող վերամբարձ կռունկի վրա և փորձում է ինքնասպան լինել։ Միսակյանի կնոջ` Թամարա Ղազարյանի խոսքով, Միսակյանը նման քայլի է դիմել ֆինանսական խնդիրների պատճառով։ Նրան հարկավոր է 1 մլն դրամ։ Ավելի ուշ նա ավելացրել է գումարը` պահանջելով 3 մլն դրամ։


Ինչպես հաղորդում է «Նովոստի–Արմենիա» գործակալության թղթակիցը դեպքի վայրից, Միսակյանի ընկերը լրագրողներին տեղեկացրել է, որ նա պահանջել է մեկ ժամվա ընթացքում իրեն տրամադրել վարկ բանկում։

Ճգնաժամային կառավարման ազգային կենտրոնի Հոգեբանական աջակցության բաժնի հրահանգիչ Աիդա Թարոյանն իր հերթին տեղեկացրեց, որ Միսակյանը շատ թույլ է, ինչը հնարավոր է կապված է այն հանգամանքի հետ, որ նա երկար ժամանակ բարձրության վրա է։–0–