ԵՐԵՎԱՆ, 2 նոյեմբերի. /Նովոստի–Արմենիա/. Նախօրեին՝ նոյեմբերի 1-ին, ավտովթար-դանակահարություն է տեղի ունեցել Երևանում:
Загружается новость ... "Лево"
Shamshyan.com–ի հաղորդմամբ, ժամը 19:40-ի սահմաններում Արշակունյաց պողոտայում՝ թիվ 25 հասցեի դիմաց, բախվել են Opel մակնիշի և առանց համարանիշի մոտոցիկլը, որից հետո էլ մոտոցիկլը նաև բախվել է ճանապարհի թույլատրելի հատվածում կայանված Opel մակնիշի ավտոմեքենային:
Բախումից հետո մոտոցիկլից գետնին ընկած 2 հոգուց մեկը դանակահարել է իրենց մոտոցիկլին բախված Opel-ի վարորդին: 3 մարդ տեղափոխվել է «Էրեբունի» բժշկական կենտրոն:
Փաստի առթիվ նյութեր են նախապատրաստվում:
Կայքի հաղորդմամբ, ոստիկանությունն ու հետաքննչական բաժանմունքը պարզում են վարորդների և վիրավորների ինքնությունը։–0–