Երևանում ՊՆ 31–ամյա ծառայողը կանխել է 77–ամյա Սերվանտեսի ինքնասպանությունը

ԵՐԵՎԱՆ, 8 ապրիլի./Նովոստի–Արմենիա/. Երեկ՝ ապրիլի 7-ին, արտակարգ դեպք է տեղի ունեցել Երևանում:

Shamshyan.com–ի հաղորդմամբ, ժամը 11:00-ի սահմաններում ոստիկանության Մաշտոցի բաժնի ծառայողները Կիևյան կամրջի մոտից ոստիկանության Մաշտոցի բաժին են տեղափոխել Երևանի բնակիչ 77-ամյա Սերվանտես Բ.-ին:


Պարզվել է, որ նա առողջական խնդիրներ ունենալու պատճառով փորձել է ինքնասպանություն գործելու նպատակով կամրջից ցած նետվել:

Կայքի տեղեկություններով՝ տարեց կնոջ ինքնասպանության փորձը կանխվել է Երևան քաղաքի Նոյի թաղամասի բնակիչ 31-ամյա Իգիթ Հակոբյանի կողմից:

Փաստի առթիվ ոստիկանության Մաշտոցի բաժնի հետաքննչական բաժանմունքում հետաքննություն է սկսվել: 

Աղբյուրի հաղորդմամբ՝ կնոջ կյանքը փրկած Ի. Հակոբյանը ՀՀ պաշտպանության նախարարության ծառայող է, նա այդ պահին կամրջի վրայով անցնելիս է եղել, և նրան են մոտեցել մի քանի քաղաքացիներ ու հայտնել, որ կինը հոգեբանական ճնշման տակ փորձում է ինքնասպան լինել:–0–