Երևանի Ֆրանսիական միջազգային դպրոցի պատերին ճեղքեր են առաջացել. 170 աշակերտ, 30 մանկավարժ և 10 տեխաշխատող տարհանվել է

ԵՐԵՎԱՆ, 13 ապրիլի. /Նովոստի–Արմենիա/. Ապրիլի 13-ին, ժամը 09:38-ին տեղեկություն է ստացվել, որ Երևան քաղաքի Ֆրանսիական միջազգային դպրոցի 2-րդ հարկի պատի երկայնքով առաջացել է ճեղք, հաղորդում է ՀՀ ԱԻՆ Փրկարար ծառայությունը։

Մինչ փրկարարների` դեպքի վայր հասնելը 170 աշակերտ, 30 մանկավարժ և 10 տեխաշխատող տարհանվել են դպրոցից:

Դեպքի վայր են մեկնել  ճգնաժամային կառավարման ազգային կենտրոնի օպերատիվ և արձագանքման խմբերը, հոգեբանական աջակցության բաժնի հրահանգիչը, սեյսմիկ պաշտպանության ծառայության ներկայացուցիչը և մեկ մարտական հաշվարկ:

Փրկարարները տեղազննման արդյունքում հայտնաբերել են շինարարական ճաքեր:

Կտրվի լրացուցիչ տեղեկություն:–0–