ԵՐԵՎԱՆ, 21 մարտի. /Նովոստի-Արմենիա/. Երեքշաբթի ողբերգական ավտովթար է տեղի ունեցել Կոտայքի մարզում։
Ժամը 14։45-ի սահմանում «ՎԱԶ 2107» մակնիշի ավտոմեքենայի վարորդը Երևան-Սևան ավտոճանապարհի «Արծվի թևերի» հատվածում, դեպի Երևան ընթանալիս, բախվել է գովազդային սյանը, այնուհետև դուրս եկել հանդիպակաց երթևեկելի գոտի։
Ինչպես հայտնում է shamshyan.com կայքը, վթարի հետևանքով վարորդն ու ուղևորը մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն, որտեղ վիրավորներից մեկը, գիտակցության չգալով, մահացել է։
Դեպքի վայր են ժամանել Ճանապարհային ոստիկանության աշխատակիցները, ոստիկանության Կոտայքի բաժնի օպերատիվ խումբը, Հայաստանի քննչական կոմիտեի քննիչները։
Փաստի առթիվ հարուցվել է քրեական գործ՝ ՀՀ քր.օր.-ի 242 հոդվածի 2-րդ մասի հատկանիշով (ճանապարհատրանսպորտային պատահար, որն անզգուշությամբ առաջացրել է մարդու մահ)։
Ոստիկանությունն ու քննչական բաժինը պարզում են վարորդի, մահացածի և վիրավորի ինքնությունը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում