ԵՐԵՎԱՆ, 29 մարտի. /Նովոստի-Արմենիա/. Հայտնի են դարձել նոր մանրամասներ նախօրեին ավտոմեքենայում հրազենային վնասվածքներով հայտնաբերված տղամարդու սպանության վերաբերյալ:
Նախօրեին ոստիկանները Նոր Հաճընում, «Honda» մակնիշի ավտոմեքենայի մեջ հայտնաբերել էին հրազենային վնասվածքների հետևանքով մահացած Վախթանգ Մարգարյանի դին։
Ինչպես ավելի վաղ հայտնել էր ՀՀ ՔԿ-ն, նրա դին հայտնաբերվել էր գլխի շրջանում հրազենային 2 վնասվածքով: Ավտոմեքենայի զննությամբ հայտնաբերվել է 7,62 մմ տրամաչափի երկու պարկուճ և 1 գնդակ:
Загружается новость ...
"Право"
Ըստ կայքի տեղեկությունների՝ Մարգարյանը զբաղվել է ոսկյա զարդերի և ադամանդների առուվաճառքով, ինչի համար էլ հաճախակի մեկնել է Մոսկվա, որտեղ մտերիմ ընկեր է ունեցել, ում հետ համագործակցել է։ Վերջինս ևս այս օրերին գտնվում էր Հայաստանում:
Կայքի տեղեկություններով, դեպքի օրը՝ սպանությունից առաջ, Վախթանգի մեքենայի մոտ տեսել են նաև ընկերոջ մեքենան։ Մեքենան ավելի ուշ հայտնաբերել են, իսկ ընկերոջը՝ ոչ։ Թե որքանով ընկերոջ անհետանալը կապ ունի սպանության հետ, առայժմ հայտնի չէ:
Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ (սպանություն), 235-րդ հոդվածների (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) հատկանիշներով, նշանակվել են դատաբժշկական, դատահետքաբանական, դատաձգաբանական և դատակենսաբանական փորձաքննություններ:
Քրեական գործով մշակվել են աշխատանքային վարկածներ, որոնք ստուգելու ուղղությամբ իրականացվում են անհրաժեշտ քննչական և օպերատիվ-որոնողական միջոցառումներ, որոնց արդյունքում պարզվել են քրեական գործի համար էական նշանակություն ունեցող մի շարք հանգամանքներ։ -0-