ԵՐԵՎԱՆ, 12 սեպտեմբերի. /Նովոստի–Արմենիա/. Դեմրե հայտնի տուրիստական քաղաքի հենց կենտրոնում Վրաստանի 51–ամյա քաղաքացի Աննա Սաֆարյանի սպանությունը ցնցել է ողջ շրջանը։
Загружается новость ... "Лево"
Ինչպես հաղորդում է
newsturk.ru–ն, հղում անելով Hurriyet–ին, սեպտեմբերի 10–ին տեղական ժամանակով ժամը 18։00–ի սահմաններում անհայտ անձը փողոցում դանակի 6 հարվածներ է հասցրել կնոջը, ինչից հետո կտրել է նրա կոկորդը և հեռացել դեպքի վայրից։ Վրաստանի քաղաքացին ստացված վնասվածքներից մահացել է։
Ոստիկանները պարզել են, որ հանցագործը տեղաբնակ 44–ամյա Մեսութ Օզքանն է, ով ձերբակալման պահին ալկոհոլի ուժեղ ազդեցության տակ է եղել։
Օզքանի խոսքով, նա ծանոթ է եղել սպանվածի հետ, իսկ սպանության պատճառը փողն է։ Որոշ ժամանակ առաջ Մեսութը Աննային պարտքով 400 լիր է տվել (117 դոլար), ինչից հետո երկար ժամանակ հետ է պահանջել գումարը, սակայն միշտ մերժում է ստացել։–0–