Տավուշում Ռումինիայի 22–ամյա քաղաքացին ընկել է 10 մ բարձրության էլեկտրական աշտարակից. վիճակը ծանր է

ԵՐԵՎԱՆ, 24 հոկտեմբերի. /Նովոստի–Արմենիա/. Նախօրեին արտակարգ դեպք է տեղի ունեցել Տավուշում։ Ռումինիայի 22–ամյա քաղաքացին ընկել է 10 մ բարձրության աշտարակից։

ՀՀ ԱԻՆ Փրկարար ծառայության հաղորդմամբ, հոկտեմբերի 23-ին ժամը 14:42-ին տեղեկություն է ստացվել, որ Տավուշի մարզի Դիլիջան քաղաքի վերջնամասում՝ Իջևան տանող ավտոճանապարհին՝ աջակողմյան հատվածում, քաղաքացին ընկել է էլեկտրական աշտարակից։ Դեպքի վայր է մեկնել մեկ մարտական հաշվարկ:

Փրկարարները տուժածին պատգարակով մոտեցրել են շտապօգնության ավտոմեքենային, ով հոսպիտալացվել է Դիլիջանի ԲԿ, այնուհետև տեղափոխվել Երևան քաղաքի «Էրեբունի» ԲԿ։ Տուժածի առողջական վիճակը բժիշկները գնահատել են ծանր:–0–