Թալին-Երևան ավտոճանապարհին տեղի ունեցած վթարի տուժածների վիճակը միջին ծանր է

ԵՐԵՎԱՆ, 11 դեկտեմբերի. /Նովոստի-Արմենիա/. Նախօրեին ավտովթար է տեղի ունեցել Թալին-Երևան ավտոճանապարհին:

Ինչպես հաղորդում է ՀՀ ԱԻՆ փրկարար ծառայությունը, ժամը 18:08-ին ահազանգ է ստացվել, որ Թալին-Երևան ավտոճանապարհի 2-րդ կմ-ին տեղի է ունեցել ՃՏՊ: 

Դեպքի վայր է մեկնել մեկ մարտական հաշվարկ:

Պարզվել է, որ բախվել են երկու «VAZ 2106» մակնիշի ավտոմեքենաներ (վարորդներ` Գ. Խ. 1989 թ. ծնված և Գ. Խ. 1952 թ. ծնված):

«Մինչ հրշեջ-փրկարարների կանչի վայր հասնելը, ավտոմեքենաներիի վարորդները և մեքենաներից մեկի ուղևոր Ի. Հ.-ն տեղի ուժերով հոսպիտալացվել են «Թալինի» ԲԿ, որտեղ բժիշկները տուժածների առողջական վիճակը գնահատել են միջին ծանրության», - նշվում է հաղորդագրության մեջ:

Հրշեջ-փրկարարները հոսանքազրկել են ավտոմեքենաները և փակել գազի բալոնների փականները: -0-