ԵՐԵՎԱՆ, 15 հոկտեմբերի. /Նովոստի-Արմենիա/. Նախօրեին ավտովթար է տեղի ունեցել Սյունիքի մարզում:
ՀՀ ԱԻՆ մամոիլւ ծառայության հաղորդմամբ, ժամը 01.17-ին ահազանգ է ստացվել, որ Տեղ և Խնածախ գյուղերի խաչմերուկի մոտակայքում «Mercedes» մակնիշի ավտոմեքենան դուրս է եկել ավտոճանապարհի երթևեկելի հատվածից և բախվել հողաթմբին, կա տուժած և անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
«Պարզվել է, որ, դեռևս չբացահայտված հանգամանքներում, Մ-12 միջպետական ավտոճանապարհի Գորիս - Ստեփանակերտ հատվածի 20-րդ կմ-ում՝ Տեղ գյուղի մոտակայքում, «Mercedes C-180» մակնիշի (վարորդ Գ. Մ., ծնվ. 1978 թ.) ավտոմեքենան բախվել է ձիուն, ինչից ավտոմեքենայի ուղևոր Ս. Գ.-ն (ծնված 1994 թ.) հոսպիտալացման ճանապարհին մահացել է», - նշվում է հաղորդագրության մեջ: -0-