Ստոկհոլմում խուճապ է, փակ են մետրոյի կայարանները. «Նովոստի–Արմենիա»–ի էքսկլյուզիվը

ԵՐԵՎԱՆ, 7 ապրիլի. /Նովոստի–Արմենիա/. Շվեդիայի մայրաքաղաք Ստոկհոլմում խուճապ է այն բանից հետո, երբ քաղաքի կենտրոնում բեռնատարը մխրճվել է անցորդների ամբոխի մեջ, «Նովոստի–Արմենիա» գործակալությանը հաղորդեց միջադեպի ականատեսը։

«Մետրոյի կայարանները փակ են, միջադեպի վայրում են ոստիկանության զգալի թվով ուժեր», – տեղեկացրեց գործակալության զրուցակիցը։

Ինչպես հաղորդում են ԶԼՄ–ները, ոստիկանությունը միջադեպը ահաբեկչություն է որակել։ Շվեդական ոստիկանությունը ձերբակալել է մի մարդու։ Ենթադրվում է, որ նա եղել է այն բեռնատարի ղեկին, որը մխրճվել է անցորդների ամբոխի մեջ քաղաքի գլխավոր փողոցներից մեկում գտնվող Ahlens Mall առևտրի կենտրոնի մոտ։

Մի քանի մարդ վիրավորվել է, երկու մարդ` մահացել։–0–