Շիրակում բախվել են ԳԱԶ 24–ն ու BMW–ն. կա 5 տուժած (ՖՈՏՈ)

ԵՐԵՎԱՆ, 11 հոկտեմբերի. /Նովոստի–Արմենիա/. Այսօր՝ հոկտեմբերի 11-ին, խոշոր ավտովթար է տեղի ունեցել Շիրակի մարզում։

Ժամը 09։40-ի սահմաններում Արթիկի վարչական տարածքում՝ Արթիկի գաղութի հարևանությամբ, Հառիճավանքի խաչմերուկում բախվել են ԳԱԶ 24 մակնիշի և BMW մակնիշի ավտոմեքենաները, ինչի հետանքով 2 մեքենաները դուրս են եկել ճանապարհի երթևեկելի գոտուց և հայտնվել դաշտում, հաղորդում է shamshyan.com–ը։

Վթարի հետևանքով 5 մարդ մարմնական վնասվածքներով տեղափոխվել է Արթիկի բժշկական կենտրոն։

Փաստի առթիվ նյութեր են նախապատրաստվում։ Ոստիկանությունն ու քննչական բաժինը պարզում են վարորդների և վիրավորների ինքնությունը։ –0–