ԵՐԵՎԱՆ, 27 փետրվարի. /Նովոստի–Արմենիա/. Այսօր՝ փետրվարի 27-ին ոստիկանները, քննիչներն ու ջրափրկարարները Սևանա լճում հայտնաբերել են փետրվարի 13-ից Ոստիկանության Կենտրոնական բաժնի կողմից որպես անհետ կորած որոնվող 55–ամյա Տիգրան Հակոբյանի ջրահեղձ եղած դին։
Загружается новость ... "Лево"
Ինչպես հաղորդում է shamshyan.com–ը, Հակոբյանը «Պրոմուտեա» ՍՊԸ–ի տնօրենն է։
Դատաբժշկի նախնական եզրակացության համաձայն՝ դիակի վրա բռնության հետքեր չեն հայտնաբերվել։
Փաստի առթիվ հարուցվել է քրեական գործ ՀՀ ՔՕ 104 հոդվածի 1-ին մասի հատկանիշներով (սպանություն)։
Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական։
Կայքի հաղորդմամբ, փետրվարի 15-ին Ոստիկանության Կենտրոնական բաժին էր դիմել Տ. Հակոբյանի որդին՝ Ռուբեն Հակոբյանը և հայտնել էր, որ 2 օր առաջ հայրը տանից դուրս է եկել և չի վերադարձել։ Նույն օրը ոստիկանություն էր դիմել նաև մեկ այլ քաղաքացի` հայտնելով, որ 2 օր առաջ զանգահարել է Տիգրանին և չի կարողացել նրա հետ կապվել։
Загружается новость ...
"Право"
Կայքի տեղեկություններով՝ ոստիկանները զրուցել են Տ. Հակոբյանի նախկին կնոջ՝ 67-ամյա Հասմիկ Մամիկոնյանի հետ, ով հայտնել էր, որ փետրվարի 13-ին ժամը 15։00-ին նախկին ամուսինը Երևանի Հանրապտության և Տպագրիչների փողոցների խաչմերուկից մեկնել էր աշխատանքի, որը գտնվում է Վարդանանց 8-րդ նրբանցքում և չէր վերադարձել։
Shamshyan.com–ի հաղորդմամբ, ոստիկանները հայտնաբերել էին տաքսու վարորդին, ով նշել էր, որ Տ. Հակոբյանին ինքը մեքենայով տեղափոխել էր Սևան, ով իջել էր Սևանի ափի մոտ և այլևս նրան չի տեսել։–0–