ԵՐԵՎԱՆ, 17 մարտի. /Նովոստի-Արմենիա/. Ուրբաթ շղթայական ավտովթար է տեղի ունեցել Երևան-Սևան ավտոճանապարհի Աբովյան քաղաքի վարչական տարածքում։
Ինչպես հայտնում է shamshyan.com կայքը, ժամը 08։00-ի սահմանում Աբովյանում բախվել են «ՎԱԶ 2121» մակնիշի, «Mercedes» մակնիշի, «Opel» մակնիշի, «ՎԱԶ 2107» մակնիշի, «Volvo» և բեռնատար քարշակ մակնիշների ավտոմեքենաները։
Կայքի հաղորդմամբ, ըստ նախնական տեղեկությունների, վթարի հետևանքով 1 հոգի բուժօգնություն ստանալու նպատակով դիմել է Աբովյանի բժշկական կենտրոն։
Վթարի վայր են ժամանել Ճանապարհային ոստիկանության աշխատակիցները։
«Վթարի պատճառը եղել է ճանապարհի մերկասառույցը», - նշվում է հաղորդագրության մեջ:
ՃՈ-ն պարզում է վարորդների և վիրավորի ինքնությունը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
