ԵՐԵՎԱՆ, 3 ապրիլի. /Նովոստի-Արմենիա/. Այսօր` ապրիլի 3-ին, խոշոր ավտովթար է տեղի ունեցել Լոռու մարզում։
Ինչպես հայտնում է shamshyan.com-ը, ժամը 05։30-ի սահմաններում Վրաստանի Հանրապետության քաղաքացի՝ 37-ամյա Դաթունա Անջափարիձեն իր վարած Scania մակնիշի ավտոմեքենայով Երևան-Վանաձոր ավտոճանապարհի Սպիտակի ոլորաններում դեպի Երևան ընթանալիս դուրս է եկել ճանապարհի երթևեկելի գոտուց և մոտ 40 մետր գլորվելով հայտնվել ձորակում։
Ըստ նախնական տեղեկությունների՝ վթարի հետևանքով զոհեր և վիրավորներ չկան։ Փաստի առթիվ նյութեր են նախապատրաստվում։ Ըստ աղբյուրի, ավտոմեքենան բարձված է եղել ինչ-որ ապրանքով, ու այս պահին ոստիկանները սպասում են, մինչև ժամանեն մաքսային ծառայության աշխատակիցները։-0-