ԵՐԵՎԱՆ, 8 հունվարի. /Նովոստի Արմենիա/. Նոր տարվա նախաշեմին` դեկտեմբերի 31-ին, Կրասնոդարի երկրամասի Լադոժսկայա բնակավայրում եռակի սպանություն է տեղի ունեցել:
Երկու տղամարդ մտել է «Օգոնյոկ» սրճարան ու գնդակահարել երեք հոգու, հաղորդում է onkavkaz.com–ը։
Առաջ էին քաշվում տարբեր վարկածներ: Ամենասարսափելին ազգամիջյան բախումն է:
Ինչպես նշում են ԶԼՄ–ները, աղբյուրների կեսը գրում էին կենցաղային կոնֆլիկտի մասին, մյուսները` էթնիկ, քանի որ սպանվել են գնչու և երկու հայ: Ոմանք էլ հայտարարում էին, որ այդ սպանությունը վրեժ էր 13-ամյա դստեր համար, ում բռնաբարել են։
«Չհաստատված տվյալների համաձայն, առաջին զոհը 17-ամյա Արտյոմ Միրզոյանն է, հետո սպանվել է դիջեյ Ռոման Սիրականյանը: Երրորդ զոհին, ով ծագումով գնչու է, հանցագործները սպանել են սրճարանից դուրս` մեքենայում», - հայտնում է աղբյուրը:
Չնայած, որ դեպքից անմիջապես հետո ձերբակալվածների անունները չէին նշվում, սոցցանցերում անմիջապես առաջ քաշվեց միջադեպի հիմնական վարկածը, ըստ որի` այս եռյակի սպանությունով տեղի կազակ ատաման Ալեքսանդր Ստավիչուսը վրեժ է լուծել իր անչափահաս դստեր համար, որին բռնաբարել են։-0-