ԵՐԵՎԱՆ, 23 հուլիսի./Նովոստի–Արմենիա/. Իրանի հարավ–արևելյան հատվածում գտնվող Քերման նահանգում գրանցվել է 5,8 մագնիտուդով երկրաշարժ։ Սա 24 ժամվա մեջ գրանցված 4–րդ երկրաշարժն է, գրում է «Իզվեստիան»։
Ինչպես հաղորդում է ISNA գործակալուլթյունը, հղում անելով Իրանի սեյսմոլոգիական կենտրոնին, երկրաշարժը գրանցվել է ժամը 01։09–ին։ Օջախը գտնվում է 10 կմ խորության վրա։
Վերջին 24 ժամվա մեջ ամենահզոր երկրաշարժը գրանցվել է Քերմանշախ նահանգում` 5,9 մագնիտուդ։ Հաղորդվում է, որ ստորգետնյա ցնցումների հետևանքով ամբողջովին ավերվել է ավելի քան 100 շենք, տուժել է 287 մարդ։–0–