Հրազդանում հայտնաբերվել է 30 տարեկան տղամարդու դի` կախված վիճակում

ԵՐԵՎԱՆ, 12 դեկտեմբերի. /Նովոստի–Արմենիա/. Հրազդանում նախօրեին երեկոյան հայտնաբերվել է 30 տարեկան տղամարդու դի` կախված վիճակում։

Ինչպես հաղորդում է ՀՀ ԱԻՆ Փրկարար ծառայությունը, դեկտեմբերի 11-ին, ժամը 23:40-ին «911» ծառայությանը տեղեկություն է հաղորդվել, որ Կոտայքի մարզի Հրազդան քաղաքի Շահումյան փողոցի տներից մեկի տանիքում մոտ 30 տարեկան տղամարդու դի է հայտնաբերվել՝ կախված վիճակում, անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը: Փրկարարները Կ. Մ.-ի (ծնված 1987 թ.) դին մոտեցրել են շտապօգնության ավտոմեքենային։–0–