Հայտնի է Դավիթաշենի պայթյունի պատճառը (ՄԱՆՐԱՄԱՍՆԵՐ)

ԵՐԵՎԱՆ, 3 օգոստոսի. /Նովոստի–Արմենիա/. Հայտնի են դարձել Դավիթաշենում տեղի ունեցած պայթյունի մանրամասները։

Նախօրեի երեկոյան Դավիթաշենի 2–րդ փողոցի 56.2 տանը հնչած պայթյունից տուժել է երկու մարդ։

1985 թվականի ծնված Նիկոլայ Եփրեմյանը և 1997 թվականի ծնված Աշոտ Եփրեմյանը վնասվածքներով տեղափոխվել էին «Արմենիա» բժշկական կենտրոն, որտեղ բժիշկները նրանց վիճակը գնահատել էին ծայրահեղ ծանր։ Ավելի ուշ Նիկոլայ Եփրեմյանը մահացել է հիվանդանոցում։

Ինչպես հայտնում են հայկական ԶԼՄ–ները, նախնական վարկածով, տանը փորձել են ականի գլխիկ սղոցել, այդ ժամանակ էլ այն պայթել է։  Տուժածի հարազատի խոսքով, տղամարդիկ չեն իմացել, թե կոնկրետ ինչ է իրենից ներկայացնում տվյալ առարկան։

«Նրանց թվացել է, թե ներսում կարող են արժեքավոր մետաղի դետալներ կամ պայթուցիկ լինել, որով կարելի է խլացնել ձկներին»,– ասել է նա։

Նշված հասցեում հայտնաբերվել է ևս երկու ական։