ԵՐԵՎԱՆ, 22 հունվարի. /Նովոստի-Արմենիա/. Ռուսաստանի Ուֆա քաղաքում դատարանը մեղավոր է ճանաչել Հայաստանի 49-ամյա քաղաքացուն խարդախության համար: Այդ մասին հայտնում է "Уфа-Аиф"-ն` հղում անելով տեղի դատախազության մամուլի ծառայությանը:
Ըստ աղբյուրի, տղամարդը ծանոթացել է աղջկա հետ համացանցի միջոցով և ներկայացել է որպես հաջողակ գործարար:
«Տպավորութուն թողնելու համար աֆերիստը հրավիրել է կնոջը թանկարժեք ռեստորաններ, բեմադրել է հեռախոսազրույցներ ազդեցիկ մարդկանց հետ: Տղամարդը ասում էր կնոջը, որ այրի է և ցանկանում է լուրջ հարաբերություններ կառուցել նրա հետ», - գրում է թերթը:
Որոշ ժամանակ անց հանցագործը հայտնել է կնոջն իր մոտ առաջացած խնդիրների մասին. արգելանքի տակ գտնվող բանկային հաշիվներր, նրան իբր պատկանող ընկերությունում խուզարկություն անցկացնելու մասին և խնդրել է մի քանի միլիոն ռուբլի պարտքով տալ իրեն` իբր բարձրաստիճան պաշտոնյաներին կաշառք տալու համար:
Դյուրահավատ կինը վարկեր է ձևակերպել և բարեկամներից 1,7 մլն ռուբլի պարտք է վերցրել, որոնք փոխանցել է տղամարդուն: Վերցնելով փողը` տղամարդը հայտնել է, որ բիսնեսի հետ կապված խնդիրների պատճառով մնադիր է վերջ դնել կյանքին և դադադրել է պատասխանել հեռախոսազանգերին: Հասկանալով, որ իրեն խաբել են, կինը դիմել է ոստիկանություն:
Կալինինի դատարանը դատապարտել է տղամարդուն 4,5 տարի ազատազրկման խիստ ռեժիմի ուղղիչ գաղութում, ինչպես նաև պարտադրել է փոխհատուցել հասցված վնասը:-0-