Ձմերուկի վաճառողները Հրազդան գետում լողալու անհաջող փորձ են արել

ԵՐԵՎԱՆ, 19 հուլիսի./Նովոստի–Արմենիա/. Քիչ առաջ Երևանում արտակարգ դեպք է տեղի ունեցել։ 

Ժամը 13։20-ի սահմաններում Արտակարգ իրավիճակների նախարարության Փրկարար ծառայության օպերատիվ կառավարման կենտրոն ազահանգ է ստացվել, որ 3 քաղաքացի Հրազդանի կիրճում՝ գետում լողալիս, փորձել են դուրս գալ, սակայն չեն կարողացել գետի վարարման պատճառով։

Գետից դուրս բերված քաղաքացիների ընկերները պատմել են, որ գետում հայտնվածները ձմերուկի վաճառքով են զբաղվում։

«Վաճառքից հետո որոշեցինք գետում մի քիչ զովանալ, բայց ի՞նչ իմանայինք, որ փորձանքի մեջ էինք հայտնվելու», – նշել են նրանք։

Դեպքի վայրում աշխատել են նաև շտապօգնության բրիգադն ու ոստիկանության աշխատակիցները։ -0-