Աշտարակում վիճաբանությունն ավարտվել է 23–ամյա երիտասարդի դանակահարությամբ

ԵՐԵՎԱՆ, 9 հունվարի. /Նովոստի–Արմենիա/. Նախօրեին դանակահարություն է տեղի ունեցել Աշտարակում։

ՀՀ ոստիկանության մամուլի ծառայության հաղորդմամբ, հունվարի 8-ին ժամը 22.27-ին հիվանդանոցից ոստիկանության Աշտարակի բաժնում հաղորդում է ստացվել, որ իրենց մոտ դանակահարված տղամարդ են տեղափոխել:

Նույն օրը, ժամը 00.50-ին Տիգրան Մեծի փողոցից Գուրգեն Զ.-ն բերման է ենթարկվել բաժին և տվել խոստովանական բացատրություն: Նշանակվել է ԴԲՓ: Կատարվում է քննություն:-0-