Արագածոտնի մարզում որդին, չհաշտվելով հոր ինքնասպանության հետ, կախվել է

ԵՐԵՎԱՆ, 12 փետրվարի. /Նովոստի-Արմենիա/. Ողբերգական դեպք է տեղի ունեցել Արագածոտնի մարզի Հնաբերդ գյուղում:

Ինչպես հաղորդում թ shamshyan.com կայքը, փետրվարի 8-ին ժամը 18:30-ի սահմանում Արագածի բժշկական կենտրոնից ահազանգ է ստացվել ոստիկանություն, որ բժիշկների հերթապահ խումբը կանչով մեկնել է Հնաբերդ գյուղի տներից մեկը, որտեղ հայտնաբերել է տղամարդու դի: 

Դեպքի վայր ժամանած ոստիկաններն ու քննիչները պարզել են, որ մահացածը 60-ամյա Մեսրոպ Ալամյանն էր: 

«Մի քանի ժամ է պահանջվում, որպեսզի ոստիկաններն ու քննիչները համոզեն մահացածի տղային՝ 34-ամյա Դերենիկ Ալամյանին, որպեսզի նա հոր դին թույլատրի տեղափոխեl հիվանդանոց՝ դատաբժշկական փորձաքննության», - նշվում է հաղորդագրության մեջ: 

Դատաբժշկի նախնական եզրակացույթան համաձայն՝ Մ.Ալամյանը մահը վրա է հասել կախվելու միջոցով: 

Ըստ նախնական տեղեկությունների՝ Մ. Ալամյանը ինքնասպան է եղել իրենց տան անասնգոմին կից խորդանոցում՝ հակի թելով:

Փետրվարի 9-ին, ժամը 07:00-ի սահմանում ոստիկանություն ահազանգ է ստացվում, որ հերթապահ խումբը կանչով մեկնել է Հնաբերդ, որտեղ տներից մեկի անասնագոմին կից խորդանոցում կախված վիճակում հայտնաբերել է երիտասարդ տղայի դի: 

Նույն օպերատիվ քննչական խումբը մեկնում է Հնաբերդ ու տեղում պարզում, որ դիակը հայտնաբերվել է Մ. Ալամյանի տան անսանագոմին կից խորդանոցում, իսկ կախվածը նրա տղան՝ Դերենիկ Ալամյանն էր:

«Դերենիկը ամուսնացած էր, խմամքին ուներ 2 երեխա», - նշվում է հաղորդագրության մեջ: 

Փաստի առթիվ նյութեր են նախապատրաստվում: -0-