484.51
-0.37
518.72
-3.16
8.61
-0.05
+10
Եղանակը Երևանում
Հայ
Մինսկի պայմանավորվածություններն օգնեցին վերահսկել Ուկրաինայի հակամարտությունը. ԳԴՀ արտգործնախարար
15:38
27 Ապրիլի 2015

ԵՐԵՎԱՆ, 27 ապրիլի. /Նովոստի–Արմենիա/. Մինսկի պայմանավորվածություններն օգնեցին հսկողության տակ պահել Ուկրաինայի արևելքի հակամարտությունը, սակայն դեռևս ռազմական գործողությունների վերսկսման ռիսկը չեզոքացված չէ, երկուշաբթի Gazeta Wyborcza լեհական թերթում հրապարակված հարցազրույցում հայտարարել է ԳԴՀ ԱԳ նախարար Ֆրանկ–Վալտեր Շտայնմայերը։

Վարշավայում երկուշաբթի կանցկացվեն լեհ–գերմանական հերթական միջկառավարական խորհրդատվությունները, որոնց կմասնակցեն ԳԴՀ կանցլեր Անգելա Մերկելն ու Լեհաստանի վարչապետ Եվա Կոպաչը, ինչպես նաև` երկու կառավարությունների նախարարներն ու արտգործնախարարները։ Բացի այդ, Մերկելը բանակցություններ կվարի Լեհաստանի նախագահ Բրոնիսլավ Կոմորովսկու հետ։ Կողմերը նախատեսում են քննարկել նաև Ուկրաինայում տիրող իրավիճակը։

«Մինսկի համաձայնագիրն օգնեց վերահսկել Ուկրաինայի արևելքի հակամարտությունը։ Այսօր դրա շնորհիվ մեծ մասամբ պահպանվում է հրադադարի ռեժիմը, ինչպես նաև` դուրս է բերվում ծանր սպառազինությունը։ Այժմ խոսքը քաղաքական գործընթացն արագացնելու մասին է, ինչպես նախատեսված է Մինսկի համաձայնագրով, որը գործողությունների պլան է` ուղղված ուկրաինական ճգնաժամի լարվածության նվազմանը», – հայտարարել է Շտայնմայերը, հայտնում է ՌԻԱ Նովոստին։

«Ճիշտ է նաև այն, որ Ուկրաինայի արևելքի հակամարտության կրկնակի սրման ռիսկը դեռևս չեզոքացված չէ», – ասել է ԳԴՀ արտգործնախարարը։ Շտայնմայերի խոսքով` «ԵՄ–ն անպատասխան չի թողնի անջատողականների կողմից իրավիճակի կրկնակի սրացումը, Մարիուպոլում կամ արևելյան Ուկրաինայի ուրիշ վայրերում լայնամասշտաբ հարձակողական գործողությունների զարգացումը»։

Վարշավան ավելի վաղ բազմաթիվ անգամ առաջարկել է Ուկրաինայի արևելքի հակամարտության կարգավորմանն ուղղված բանակցությունները տեղափոխել «ժնևյան ձևաչափ», այսինքն` բանակցություններին մասնակցեն նաև ԱՄՆ–ն, ինչպես նաև` Լեհաստանը, որը ՌԴ–ի և Ուկրաինայի հարևան երկիրն է։

Սակայն ԳԴՀ ԱԳ նախարարը հարցազրույցում նշել է, որ «նորմանդյան ձևաչափին» այլընտրանք չի տեսնում ։ «Այս ձևաչափը, ինչպես նշվում է նրա անվան մեջ, առաջացել է Նորմանդիայում դաշնակիցների զորքերի ափհանման 70–ամյակի տոնակատարության ժամանակ։ Հիմա այն միակ ձևաչափն է, որի շրջանակում Մոսկվան և Կիևը պատրաստ են բանակցել։ Հիմա ես որևէ այլ ընդունելի այլընտրանք չեմ տեսնում», –ասել է Շտայնմայերը։

ԳԴՀ ԱԳ նախարարի խոսքով` Ուկրաինայի իրավիճակի հարցի կապակցությամբ նա «մշտական կապի» մեջ է գտնվում իր լեհ գործընկեր Գժեգոժ Սխետինայի հետ։

Ուկրաինայի իշխանությունը նախորդ տարվա ապրիլին Դոնբասում ուժային գործողություններ էր սկսել պետական հեղաշրջումից դժգոհ բնակիչների դեմ։ ՄԱԿ–ի վերջին տվյալներով` հակամարտության հետևանքով զոհվել է ավելի քան 6 հազար մարդ։

Ուկրաինական ճգնաժամի կարգավորման խնդիրը քննարկվում է տարբեր ձևաչափերում կազմակերպվող բանակցությունների ժամանակ, մասնավորապես` Մինսկում շփման խմբի հանդիպումների ընթացքում` ՌԴ–ի և ԵԱՀԿ–ի միջնորդությամբ։ Փետրվարի 12–ին կայացած հերթական հանդիպումն ավարտվել է Մինսկի համաձայնագրերի կատարման համալիր միջոցների ընդունմամբ, որոնց համաձայն, փետրվարի 15–ից Դոնբասում դադարեցվում է փոխհրաձգությունը, դուրս է բերվում ծանր սպառազինությունը և ստեղծվում է անվտանգության գոտի։

Հրադադար հայտարարելուց հետո շուտով Դոնբասում վերսկսվեցին փոխհրաձգությունները, կողմերը միմյանց մեղադրեցին հրադադարի ռեժիմը խախտելու մեջ և հայտարարեցին, որ միայն պատասխան կրակ են բացում։ –0–

Loading...
Թեմատիկ նյութեր

Բաժնի այլ նյութեր
17:26
22 Ապրիլի 2017
Կանադայի բնակչի անձնագիրը օդանավակայանում պատռել են և տուն ուղարկել
Տորոնտոյում բնակվող ամուսնական զույգը մեղադրում է Air Canada ավիաընկերությանը երկար սպասված արձակուրդը խափանելու մեջ։
21:00
21 Ապրիլի 2017
ԵՄ–ն կպաշտպանի «Եհովայի վկաներին» Ռուսաստանում
ԵՄ–ի կարծիքով, կազմակերպության անդամները պետք է առանց խոչընդոտի օգտվեն հավաքներ կազմակերպելու իրավունքից։
16:45
17 Ապրիլի 2017
ԱՄՆ դեսպանատունը երեք ամսական փոքրիկին հարցաքննել է որպես ահաբեկիչ
Լոնդոնում ԱՄՆ դեսպանատան աշխատակիցները հարցաքննության են կանչել երեք ամսական փոքրիկին:
14:12
17 Ապրիլի 2017
Էրդողանը հաղթել է. Թուրքիան անցնում է նախագահական իշխանավարման
Թուրքիայում  անցկացված սահմանադրական բարեփոխումների հանրաքվեում հաղթանակ են տարել օրենսդրական այդ փոփոխությունների կողմնակիցները:
18:45
16 Ապրիլի 2017
Թայվանում կարգելեն ուտել շներին և կատուներին
Թայվանի խորհրդարանը ընդունել է լրացումներ կենդանիների պաշտպանության օրենքում, որն արգելում է ուտել շներ և կատուներ, ինչպես նաև վաճառել նրանց միսը:
17:34
13 Ապրիլի 2017
Շերը կոչ է արել Լոնդոնին ճանաչել Հայոց ցեղասպանությունը
Ամերիկահայ երգչուհի և դերասանուհի Շերը կոչ է արել Լոնդոնին ճանաչել 1915 թ.-ի Հայոց ցեղասպանությունը:

18:33
11 Ապրիլի 2017
United Airlines–ի ուղևորին քարշ տալով հանել են օդանավից, քանի որ այնտեղ տեղ չի եղել ավիաընկերության աշխատակիցների համար (ՏԵՍԱՆՅՈՒԹ)
United Airlines ամերիկյան ավիաընկերության ուղևորին քարշ տալով դուրս են հանել օդանավից, քանի որ ինքնաթիռում տեղ չի եղել ավիաընկերության աշխատակիցների համար։
12:51
11 Ապրիլի 2017
ԱՄՆ-ի կոնգրեսականները կոչ են արել Թրամփին արժանի հարգանքի տուրք մատուցել Հայոց ցեղասպանության զոհերի հիշատակին
ԱՄՆ-ի Հանրապետական և Դեմոկրատական կուսակցությունների մի խումբ կոնգրեսականներ հանդես են եկել ԱՄՆ նախագահ Դոնալդ Թրամփին ուղղված կոչով:
11:35
07 Ապրիլի 2017
ԱՄՆ–ն սկսել է հրթիռակոծել Սիրիան
ԱՄՆ նախագահ Դոնալդ Թրամփը հինգշաբթի հայտարարել է, որ հրաման է տվել հարված հասցնել Սիրիայի ավիակայանին:
14:23
27 Փետրվարի 2017
Վրաստանի քաղաքացիները կարող են առանց վիզա 90 օրով մեկնել ԵՄ
ԵՄ Խորհուրդը հավանություն է տվել ԵՄ երկրների և Վրաստանի միջև առանց վիզայի ռեժիմի ներդրմանը։
18:35
04 Փետրվարի 2017
Ամերիկացի պլաստիկ վիրաբույժը ուղիղ եթերում առցանց ցուցադրում է իր վիրահատությունները (ՏԵՍԱՆՅՈՒԹ)
Պլաստիկ վիրաբույժ Մեթյու Շուլմանը Նյու Յորքից Snapchat հավելվածով առցանց ռեժիմով հեռարձակում է իր վիրահատությունները:
12:36
30 Հունվարի 2017
Աշխարհի ավիաընկերությունները փոփոխություններ են կատարում անձնակազմերի ցանկերում Թրամփի իմիգրացիոն հրամանի պատճառով
Համաշխարհային ավիաընկերությունները վերանայում են ԱՄՆ իրականացվող չվերթերի անձնակազմերի անդամների ցանկը Իրաքի, Իրանի, Եմենի, Լիբիայի, Սիրիայի, Սոմալիի, Սուդանի քաղաքացիների մուտքի արգելքի մասին հրամանի պատճառով։