484.78
-2
571.8
-2.21
8.19
+0.12
+12
Եղանակը Երևանում
Հայ
Հայերին հասցեագրված ուղերձում Օբաման չի արտասանել «ցեղասպանություն» բառը՝ սահմանափակվելով հայկական «Մեծ Եղեռն» արտահայտությամբ
11:54
24 Ապրիլի 2011

ԱՄՆ նախագահ Բարաք Օբաման Օսմանյան կայսրությունում Հայոց ցեղասպանության զոհերի հիշատակի օրվա առթիվ իր ավանդական ուղերձում կրկին չի արտասանել «ցեղասպանություն» բառը՝ սահմանափակվելով «Մեծ Եղեռն» հայկական տերմինով։

«Մեծ Եղեռն» եզրը օգտագործվում է հայերի կողմից Հայոց ցեղասպանության սահմանման համար։ Սակայն ամերիկահայերն Օբամայից պահանջում են արտասանել միջազգայնորեն ճանաչված իրավաբանական եզրը՝ «ցեղասպանություն»։ Մինչ նախագահ ընտրվելը Օբաման վճռականորեն քննադատում էր Հայոց ցեղասպանությունը և խոստացել էր ճանաչել այն։

«Մենք հիշում ենք 96 տարի առաջ տեղի ունեցած սարսափելի իրադարձությունները, որոնք 20-րդ դարի ամենասարսափելի ոճրագործություններից մեկի արդյունքն են։ 1915թ.-ին Օսմանյան կայսրության մայրամուտին 1,5 մլն հայ սպանվեց կամ մահվան դատապարտվեց»,- ասվում է Օբամայի ուղերձում։

ԱՄՆ նախագահը հայտարարել է, որ ինքը հետևողականորեն արտահայտել է իր սեփական կարծիքն այն մասին, թե ինչ տեղի է ունեցել 1915թ.-ին, և պատմության վերաբերյալ իր տեսակետերը չեն փոխվել։

«Փաստերի լիարժեք, արդար ճանաչումը համապատասխանում է մեր ընդհանուր շահերին։ Պատմության վիճարկումն ապակայունացնում է ներկան և բիծ է թողնում այն մարդկանց հիշատակի վրա, ովքեր կորցրել են իրենց կյանքը, այն դեպքում, երբ անցյալի ճանաչումը կայուն հիմք է ստեղծում  ընդհանուր խաղաղ և բարգավաճ ապագայի համար»,- ասվում է Օբամայի ուղերձում։

Ըստ նրա՝ պատմությունը սովորեցնում է, որ երկրներն ավելի ուժեղ են և նրանց գործն ավելի արդար է հիվանդագին անցյալի ճանաչման և ավելի լավ ապագայի համար փոխհասկացության կամուրջների վերականգնման դեպքում։

«Միացյալ Նահանգները գիտի այդ դասն իր սեփական պատմության մութ էջերից։ Ես աջակցում եմ Հայաստանի և Թուրքիայի համարձակ քայլերը, որոնք ուղղված են երկխոսության հաստատմանը՝ իրենց ընդհանուր պատմությունը ճանաչելու համար»,- նշել է Օբաման։

«Նշելով Մեծ Եղեռնը և հիշելով զոհերին՝ մենք կրկին պարտավորվում ենք թույլ չտալ այդ ավերիչ իրադարձությունների կրկնությունը»,- ասել է ԱՄՆ նախագահը։

Ըստ նրա՝ հայ ժողովրդի ժառանգոթյունը կենսունակության և հաղթանակի օրինակ է նրանց նկատմամբ, ովքեր ձգտում են նրան ոչնչացնել։

Օբաման բարձր է գնահատել ԱՄՆ բարգավաճման հարցում ամերիկահայերի ներդրումը, «որոնցից շատերն այն մարդկանց ժառանգներն են, ովքեր վերապրել են Մեծ Եղեռնը»։

Ըստ նախագահի՝ ԱՄՆ հայերն իրենց հարուստ մշակույթով և ավանդույթներով հարստացնում են ամերիկյան հասարակությունը։

«Այդ ողբերգական պատմության առջև հայ ժողովրդի ոգին ոգեշնչման աղբյուր է ծառայում նրանց համար, ովքեր առավել խաղաղ և արդար աշխարհ են փնտրում։ Մեր սրտերը և աղոթքները հայերի հետ են ամենուր, որտեղ մենք հիշում ենք Մեծ Եղեռնի սարսափները։ Մենք հարգանքի տուրք ենք մատուցում տուժածների հիշատակին և մեր բարեկամությունն ու մեծ հարգանքն ենք հայտնում հայ ժողովրդին»,-ասել է Օբաման։  

Աշխարհի ողջ հայությունն ապրիլի 24-ին նշում է Հայոց ցեղասպանության 96-րդ տարելիցը։

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ: 1965 թ.-ին ցեղասպանությունն առաջինը ճանաչել է Ուրուգվայը, որի օրինակին հետևել են Ռուսաստանը, Ֆրանսիան, Իտալիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ-ի 42 նահանգները: Հայոց ցեղասպանությունը ճանաչել է նաև Վատիկանը, Եվրախորհդարանը, Եկեղեցիների համաշխարհային խորհուրդը:-0- 

Loading...
Թեմատիկ նյութեր
Բաժնի այլ նյութեր
15:07
20 Նոյեմբերի 2017
Կոտրելով կարծրատիպերը. առաջին անգամ կինը երգել է Սիքստինյան կապելայում (ՎԻԴԵՈ)
Երգչուհի Չեչիլիա Բարտոլին դարձել է առաջին կինը, ով պատվի է արժանացել երգելու Վատիկանի Սիքստինյան կապելայում։
20:15
18 Նոյեմբերի 2017
Աշխարհի հինգ բացառիկ հետիոտնային կամուրջները (ՖՈՏՈ)
Ճարտարագիտական և ճարտարապետական երևակայությունը սահմաններ չի ճանաչում։
13:13
13 Նոյեմբերի 2017
Կենտրոնական Մեքսիկայում «արթնացել է» Պոպոկատեպետլ հրաբուխը (ՎԻԴԵՈ)
Հրաբխի ժայթքման հետևանքով խառնարանից օդ բարձրացած մոխրի սյունը հասել է 2 կմ–ի։
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով:
16:57
28 Հոկտեմբերի 2017
ԱՄՆ–ի համալսարանում «մարիխուանագետներ» կպատրաստեն
ԱՄՆ–ի համալսարանում մարիխուանայի մասնագետներ կպատրաստեն:
18:44
27 Հոկտեմբերի 2017
ԱՄՆ–ում ոստիկանները մասշտաբային հետապնդում են կազմակերպել 10 տարեկան «մրցարշավորդի» նկատմամբ (ՎԻԴԵՈ)
ԱՄՆ–ում ոստիկանները մասշտաբային հետապնդում են կազմակերպել երեխայի նկատմամբ։
21:17
25 Հոկտեմբերի 2017
Մերկ ակտիվիստուհին հակաադրբեջանական ակցիա է կազմակերպել Ուկրաինայում սեքս–տուրիզմի դեմ
Մերկ աղջիկը, ոչխարի կերպարով, դիմավորել է Բաքվից ժամանող ուղևորներին։
20:24
25 Հոկտեմբերի 2017
Atlassian ընկերության հիմնադիրները մեկ օրում հարստացել են 1,4 մլրդ դոլարով. Forbes
Atlassian ավստրալական կորպորատիվ ծրագրային ընկերության համահիմնադիրները մեկ օրում հարստացել են 1,4 մլրդ դոլարով։
19:00
23 Հոկտեմբերի 2017
Մոսկվայի պետական համալսարանի շենքում տարհանում է իրականացվել հնարավոր պայթյունի հաղորդման պատճառով
Անանուն հաղորդագրություն է ստացվել Լենինսկիե գոռի, 1–ին շենքի պայթյունի վտանգի մասին: