478.23
-0.15
574.4
+0.97
8.26
+0.03
+23
Եղանակը Երևանում
Հայ
Միշել Օբաման Սպիտակ տան բանջարանոցում բանջարեղեն տնկելով՝ բացել է բանջարանոցային սեզոնը
11:07
17 Մարտի 2011

ԱՄՆ-ի առաջին տիկին Միշել Օբաման՝ կրտսեր դասարանների 20 դպրոցականների ուղեկցությամբ, չորեքշաբթի դուրս է եկել Սպիտակ տան բանջարանոց՝ այն մշակելու և հազար, սպանախ, բրոկկոլի, ծաղկակաղամբ, բողկ և ճակնդեղ ցանելու համար, հաղորդում է ՌԻԱ Նովոստիի թղթակիցը:

«Մենք չենք կարող այս աշխատանքը կատարել առանց ձեր օգնության: Այն ամենը, ինչ մենք հիմա կցանենք, մի քանի ամիս անց դուք կկարողանաք համտեսել: Եկեք անհապաղ սկսենք աշխատանքը: Այսօր մենք նոր բան կցանենք», - ասել է Միշելը հավաքված երեխաներին:

Այս սեզոնի նորամուծությունը դարձավ ճակնդեղը, որը, ըստ ԱՄՆ-ի առաջին տիկնոջ, Բարաք Օբաման չի սիրում: ԱՄՆ-ի նախագահի դստրերի խնդրանքով բանջարանոցում կտնկվի բրոկկոլի, որը նրանք մեծ հաճույքով են ուտում:
Բանջարանոցը ստեղծվել է 2009թ.-ի մարտին ԱՄՆ-ի նախագահի տիկնոջ կողմից, և այնտեղ աճող բանջարեղենն օգտագործում են Սպիտակ տանը: Այդ բանջարեղենը, մասնավորապես, օգտագործում են նախագահի ընտանիքի, ինչպես նաև պաշտոնական ճաշերի համար կերակուր պատրաստելիս: Բանջարանոցում աճում է սպանախ, բրոկկոլի, կաղամբի մի քանի տեսակ, ինչպես նաև՝ կանաչի: 2010թ.-ին բանջարանոցից ավելի քան 700 կգ բանջարեղեն է հավաքվել:

Միշել Օբաման մոտակա դպրոցների աշակերտների հետ նախորդ տարվա բերքը հավաքել է հոկտեմբերի 21-ին: Այդ ժամանակ նա հագել էր սև թիկնոց և ռետինե երկարաճիտ կոշիկներ ու լրագրողներին ցույց էր տվել բանջարանոցից հավաքած դդմիկները, հսկա կարտոֆիլներն ու դդումները, որոնք առաջին անգամ էին աճեցվել նախագահական բանջարանոցում:

ԱՄՆ-ի առաջին տիկինը շարունակում է ԱՄՆ-ի 32-րդ նախագահ Ֆրանկլին Ռուզվելտի տիկնոջ՝ Էլեոնորայի ավանդույթը, ով 1943թ.-ին առաջին անգամ Սպիտակ տանը բանջարեղեն էր տնկել: Համաշխարհային երկրորդ պատերազմի ժամանակ Ռուզվելտն աճեցնում էր միրգ, բանջարեղեն և կանաչի: Նախագահի տիկինը հույս ուներ սեփական օրինակով ցույց տալ ԱՄՆ-ի ժողովրդին, թե ինչպես է հնարավոր սնունդ ապահովել ճգնաժամի պայմաններում:

Էլեոնորա Ռուզվելտի նախաձեռնությունը պսակվեց հաջողությամբ: Որոշ տվյալների համաձայն, ԱՄՆ-ում այդ տարիներին բանջարեղենի և մրգի գրեթե 40 տոկոսն աճեցվում էր նմանատիպ բանջարանոցներում: Հոկտեմբերի սկզբից նախագահական բանջարանոցում պարբերաբար նմանատիպ շրջայցեր են կազմակերպվում դպրոցականների համար:

Օբաման դեռ իր նախընտրական արշավի ժամանակ կոչ էր անում աջակցել գյուղատնտեսությանը և նախընտրել էկոլոգիապես մաքուր և առողջ սնունդը:-0-

Loading...
Թեմատիկ նյութեր
Բաժնի այլ նյութեր
14:31
20 Սեպտեմբերի 2017
Ժնևի դատախազությունը գտել է 500 եվրո թղթադրամներով զուգարանները խցանած անձանց
Ժնևի դատախազությունը գտել է այն անձանց, ովքեր բանկերից մեկի ու երեք ռեստորանների զուգարանները խցանել են 500 եվրո արժողությամբ թղթադրամներով:
01:05
20 Սեպտեմբերի 2017
Երկրաշարժ է գրանցվել Մեքսիկայում. զոհերի թիվը հասնում է 42-ի (ՎԻԴԵՈ)
Երկրաշարժ է գրանցվել Մեքսիկայի Մորելոս նահանգում:
17:55
19 Սեպտեմբերի 2017
Ժնևում բանկի և ռեստորանների զուգարանները խցանվել են 500 եվրո արժողությամբ թղթադրամներով
Ժնևի բանկերից մեկի և երեք ռեստորանների զուգարանները խցանվել են 500 եվրո արժողությամբ թղթադրամներով` 100 հազար դոլար ընդհանուր արժեքով:
19:01
15 Սեպտեմբերի 2017
Որմզդեղնն իսկական իրարանցում է առաջացրել Մոսկվայում (ՎԻԴԵՈ)
Սկզբում կենդանուն նկատել են Մոսկվայի կենտրոնական փողոցներում։
20:05
09 Սեպտեմբերի 2017
Չինաստանում կինը ծննդաբերել է փողոցում և շարունակել ճանապարհը նորածնին գրկած (ՎԻԴԵՈ)
Չինաստանի Յունֆու քաղաքում կինը ծննդաբերել է հենց փողոցում և շարունակել ճանապարհը։
15:29
07 Սեպտեմբերի 2017
Հայտնի են Սալվադոր Դալիի հայրության ԴՆԹ թեստի արդյունքները
Իսպանացի նկարիչ Սալվադոր Դալիի ԴՆԹ թեստի արդյունքներն արդեն հայտնի են։
14:10
06 Սեպտեմբերի 2017
Սուրենյանը հրապարակել է ԱՄՆ–ին մոտեցող «Իրմա» թայֆունի տեսանյութը (ՎԻԴԵՈ)
Քամու արագությունը թայֆունում հասնում է 300կմ/ժ-ի։
13:56
04 Սեպտեմբերի 2017
Թրամփը պատրաստ է միջուկային զենք կիրառել Հյուսիսային Կորեայի դեմ
Թրամփի խոսքով, Հյուսիսային Կորեայի ղեկավարությունը շարունակում է ապակայունացնող և սադրիչ գործողությունները։
11:55
04 Սեպտեմբերի 2017
Մերկել. Թուրքիան տեղ չունի ԵՄ–ի կազմում
ԳԴՀ կանցլեր Անգելա Մերկելը կարծում է, որ Թուրքիան տեղ չունի ԵՄ–ի կազմում։
14:48
02 Սեպտեմբերի 2017
Սերենա Ուիլյամսն ու Ալեքսիս Օհանյանը ծնողներ են դարձել
Ամերիկացի թենիսիստուհի Սերենա Ուիլյամսը մայր է դարձել:
13:09
29 Օգոստոսի 2017
Քիմ Քարդաշյանը` Ժաքլին Քենեդու կերպարով (ՖՈՏՈ)
Ռեալիթի շոուի ամերիկացի աստղ Քիմ Քարդաշյանն Instagram–ում դստեր հետ ռետրո ոճի լուսանկարներ է հրապարակել։
11:46
29 Օգոստոսի 2017
Մարկ Ցուկերբերգը երկրորդ անգամ դեկրետ է գնացել (ՖՈՏՈ)
Facebook սոցցանցի հիմնադիր Մարկ Ցուկերբերգը երկրորդ անգամ հայր է դարձել։