478.23
-0.15
574.4
+0.97
8.26
+0.03
+23
Եղանակը Երևանում
Հայ
Թուրքիան կշարունակի Հայաստանի հետ հարաբերությունները նորմալացնելու ջանքերը. նախագահ
19:41
11 Փետրվարի 2010

Թուրքիայի նախագահ Աբդուլա Գյուլը հինգշաբթի պատասխան ուղերձ է հղել իր հայ գործընկեր Սերժ Սարգսյանին, որում նշել է, որ Անկարան կշարունակի Երևանի հետ հարաբերությունները նորմալացնելու ջանքերը:

«Մենք կշարունակենք աշխատանքը մեր երկրների միջև նորմալացման գործընթացում ձեռք բերված համաձայնությունը զարգացնելու ուղղությամբ»,- ասվում է թուրք առաջնորդի ուղերձում՝ տեղակայված նախագահի աշխատակազմի կայքում, հաղորդում է «ՌԻԱ Նովոստին»:

Հայաստանի նախագահը փետրվարի 9-ին ուղերձ էր հղել թուրք առաջնորդին, որտեղ նշել էր, որ հայ և թուրք ժողովուրդների`միմյանց հանդեպ ունեցած կարծրատիպը կոտրելու, փոխվստահության մթնոլորտ ձևավորելու խնդրում հիմնական դերը վերապահված է իշխանություններին:

«Ես բավարարության զգացումով եմ ընդունում Ձեր ուղերձում առկա  դատողությունները: Հայաստանի և Թուրքիայի միջև հարաբերությունների կարգավորմանն ուղղված փոխադարձ ջանքերը մեր՝ հակամարտություններով լեցուն տարածաշրջանում խաղաղության նոր հույս են ստեղծել»,- ասվում է ուղերձում:

Թուրքական պետության ղեկավարը նաև արտահայտվել է երկու հարևան ժողովուրդների միջև նախապաշարմունքները հաղթահարելու, փոխըմբռնման և վստահության վերականգնման օգտին: «Դրանք մեր երկրների միջև հարաբերությունների կարգավորման գործընթացին նպաստող գլխավոր գործոններն են»,- նշվում է ուղերձում:

«Մենք պետք է գիտակցենք, որ այս պատմական գործընթացի արդյունքները կախված են ինչպես պարտավորությունների փոխադարձ ու լիարժեք կատարումից, այնպես էլ բավարար քաղաքական համարձակության և տեսլականի առկայությունից»,- ասվում է փաստաթղթում:

Հայաստանի և Թուրքիայի՝ մինչև վերջին ժամանակները բավականին լարված հարաբերությունները սկսեցին կարգավորվել, երբ երկու երկրի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Հարաբերությունները բարդացան, երբ Անկարան սկսեց սատարել ադրբեջանական դիրքորոշմանը՝ ղարաբաղյան հարցում, և երբ Թուրքիան կտրուկ արձագանքեց Օսմանյան կայսրությունում 1915թ. հայոց ցեղասպանության միջազգային ճանաչման գործընթացին:

Նախօրեին ելույթ ունենալով Մեծ Բրիտանիայի միջազգային հարաբերությունների թագավորական ինստիտուտում՝ ՀՀ նախագահ Սերժ Սարգսյանն ասաց, որ եթե հաստատվի հայկական կողմի կասկածն այն մասին, որ Թուրքիայի նպատակը ժամանակ ձգելն է, այլ ոչ թե հարաբերություններ հաստատելը, ապա Երևանը ստիպված կլինի դադարեցնել այդ գործընթացը: --0--

Loading...
Թեմատիկ նյութեր
Բաժնի այլ նյութեր
11:33
21 Սեպտեմբերի 2017
Միջազգային հանրությունը քննարկում է Ալիևի դստեր սկանդալային պահվածքը ՄԱԿ–ում Ալիևի ելույթի ժամանակ (ՎԻԴԵՈ)
Միջազգային բազմաթիվ ԶԼՄ–ների ուշադրությունից չի վրիպել Ալիևի դստեր պահվածքը հոր ելույթի ժամանակ։
14:31
20 Սեպտեմբերի 2017
Ժնևի դատախազությունը գտել է 500 եվրո թղթադրամներով զուգարանները խցանած անձանց
Ժնևի դատախազությունը գտել է այն անձանց, ովքեր բանկերից մեկի ու երեք ռեստորանների զուգարանները խցանել են 500 եվրո արժողությամբ թղթադրամներով:
01:05
20 Սեպտեմբերի 2017
Երկրաշարժ է գրանցվել Մեքսիկայում. զոհերի թիվը հասնում է 42-ի (ՎԻԴԵՈ)
Երկրաշարժ է գրանցվել Մեքսիկայի Մորելոս նահանգում:
17:55
19 Սեպտեմբերի 2017
Ժնևում բանկի և ռեստորանների զուգարանները խցանվել են 500 եվրո արժողությամբ թղթադրամներով
Ժնևի բանկերից մեկի և երեք ռեստորանների զուգարանները խցանվել են 500 եվրո արժողությամբ թղթադրամներով` 100 հազար դոլար ընդհանուր արժեքով:
19:01
15 Սեպտեմբերի 2017
Որմզդեղնն իսկական իրարանցում է առաջացրել Մոսկվայում (ՎԻԴԵՈ)
Սկզբում կենդանուն նկատել են Մոսկվայի կենտրոնական փողոցներում։
20:05
09 Սեպտեմբերի 2017
Չինաստանում կինը ծննդաբերել է փողոցում և շարունակել ճանապարհը նորածնին գրկած (ՎԻԴԵՈ)
Չինաստանի Յունֆու քաղաքում կինը ծննդաբերել է հենց փողոցում և շարունակել ճանապարհը։
15:29
07 Սեպտեմբերի 2017
Հայտնի են Սալվադոր Դալիի հայրության ԴՆԹ թեստի արդյունքները
Իսպանացի նկարիչ Սալվադոր Դալիի ԴՆԹ թեստի արդյունքներն արդեն հայտնի են։
14:10
06 Սեպտեմբերի 2017
Սուրենյանը հրապարակել է ԱՄՆ–ին մոտեցող «Իրմա» թայֆունի տեսանյութը (ՎԻԴԵՈ)
Քամու արագությունը թայֆունում հասնում է 300կմ/ժ-ի։
13:56
04 Սեպտեմբերի 2017
Թրամփը պատրաստ է միջուկային զենք կիրառել Հյուսիսային Կորեայի դեմ
Թրամփի խոսքով, Հյուսիսային Կորեայի ղեկավարությունը շարունակում է ապակայունացնող և սադրիչ գործողությունները։
11:55
04 Սեպտեմբերի 2017
Մերկել. Թուրքիան տեղ չունի ԵՄ–ի կազմում
ԳԴՀ կանցլեր Անգելա Մերկելը կարծում է, որ Թուրքիան տեղ չունի ԵՄ–ի կազմում։
14:48
02 Սեպտեմբերի 2017
Սերենա Ուիլյամսն ու Ալեքսիս Օհանյանը ծնողներ են դարձել
Ամերիկացի թենիսիստուհի Սերենա Ուիլյամսը մայր է դարձել:
13:09
29 Օգոստոսի 2017
Քիմ Քարդաշյանը` Ժաքլին Քենեդու կերպարով (ՖՈՏՈ)
Ռեալիթի շոուի ամերիկացի աստղ Քիմ Քարդաշյանն Instagram–ում դստեր հետ ռետրո ոճի լուսանկարներ է հրապարակել։