478.51
-0.06
560.91
-1.27
8.03
+0.05
+28
Եղանակը Երևանում
Հայ
Փետրվարի 22-ից մայիսի 9-ը Լոնդոնում և Բրիստոլում Սերգեյ Փարաջանովին նվիրված փառատոն կանցկացվի
11:54
10 Փետրվարի 2010

Փետրվարի 22-ից մայիսի 9-ը Լոնդոնում և Բրիստոլում Սերգեյ Փարաջանովին (1924-1990) նվիրված փառատոն կանցկացվի, տեղեկացրեցին փառատոնի կազմակերպիչները:

Առաջին անգամ անգլիացի հանդիսատեսը հնարավորություն կունենա ամբողջությամբ ծանոթանալ հռչակավոր ռեժիսոր Սերգեյ Փարաջանովի ստեղծագործություններին և գիտակցել նրա ժառանգության նշանակությունը:

Երկուսուկես ամսվա ընթացքում մայրաքաղաքի գլխավոր մշակութային հարթակներում ծրագրվում է անցկացնել Փարաջանովի ֆիլմերի ցուցադրություն, ներկայացնել շարժական կերպարների ինստալյացիա, կինեմատոգրաֆիայի բրիտանական BFI Southbank ինստիտուտում կազմակերպել սիմպոզիումներ և վարպետության դասընթացներ, ինչպես նաև Յուրի Մեչիտովի ֆոտոցուցահանդեսը Ազգային թատրոնում, Լոնդոնում գտնվող Պուշկինի տանը (Pushkin House) ֆիլմեր ցուցադրել և քննարկումներ կազմակերպել, Լոնդոնի Սուրբ Եղիշե հայկական եկեղեցում համերգ անցկացնել, Ժամանակակից արվեստների Arnolfini կենտրոնում կազմակերպել հետահայաց ցուցադրություն և լուսանկարների ցուցահանդես՝ բրիտանական թանգարանում:

Ապրիլին Փարաջանովի ցուցահանդեսը կտեղափոխվի Բրիստոլ (Արնոլֆինի ժամանակակից  արվեստի կենտրոն և Բրիստոլի թանգարան): Փառատոնի հյուրերի թվում են Փարաջանովի ստեղծագործությունների ուսումնասիրմամբ զբաղվող հայտնի մասնագետներ, Հայաստանից, Ռուսաստանից, Վրաստանից, Ուկրաինայից, Ֆրանսիայից և Ամերիկայից ժամանած մարդիկ, ովքեր անձամբ ճանաչել և աշխատել են վարպետի հետ (Ռոման Բալայան, Զավեն Սարգսյան, Յուրի Մեչիտով, Պատրիկ Կազալս, Լևոն Գրիգորյան, Կորա Ծերեթելի և այլոք):

Ազգությամբ հայ, Թբիլիսիում ծնված և մեծացած Սերգեյ Փարաջանովը ուսանել է Մոսկվայի Ս.Ա. Գերասիմովի անվան կինեմատոգրաֆիայի համառուսական պետական ինստիտուտում, բնակվել և աշխատել է Կիևում: Փարաջանովն իր մեջ միավորել է հայկական, վրացական, ռուսական և ուկրաինական մշակույթների բազմակերպարությունը: Նրա ստեղծագործությունը չունի ազգային սահմաններ: Ժամանակից և աշխարհագրությունից դուրս գտնվող փարաջանովյան գեղագիտությունը խոսում է նախաստեղծ գեղեցկության և պոեզիայի լեզվով՝ բացահայտելով հավերժական թեմաներ: Նրա ստեղծագործության արդիականությունն առկա է նաև այսօրվա իրողություններում: Փարաջանովը ստեղծագործել է կինեմատոգրաֆի և կերպարվեստի սահմանագծում՝ միմյանց խառնելով ոճերն ու ժանրերը՝ այսպիսով կռահելով ժամանակակից արվեստի զարգացումը:

Յուրօրինակ նկարչի ստեղծագործությունները չեն դադարում զարմացնել ողջ աշխարհի հեռուստադիտողներին: «Մոռացված նախնիների ստվերները» ֆիլմի համար Կինոյի բրիտանական ակադեմիայի մրցանակակիր, «Նռան գույնը», «Սուրամի ամրոցի լեգենդը», «Աշիկ Քերիբը» գլուխգործոցների հեղինակը համարվում է համաշխարհային կինեմատոգրաֆի ճանաչված վարպետ: Սակայն ժամանակակից հանդիսատեսի համար Փարաջանովը շարունակում է գաղտնիք մնալ:

Մեծ Բրիտանիայում կազմակերպված Սերգեյ Փարաջանովի փառատոնը առաջին լայնամասշտաբ նախագիծն է, որը թույլ է տալիս մոտենալ փարաջանովյան տաղանդի անկրկնելի բազմակողմանիությանը, հանդիպել ռեժիսորի ժառանգության ուսումնասիրմամբ զբաղվող մասնագետների հետ, ընդլայնել և միավորել նրա երկրպագուների շրջանակը:-0-

Loading...
Թեմատիկ նյութեր
Բաժնի այլ նյութեր
14:10
14 Օգոստոսի 2017
ԱՄԷ–ում ձերբակալված ռեժիսոր Արիկ Մանուկյանի ընկերներն օգնություն են խնդրել Ռամզան Կադիրովից (ՎԻԴԵՈ)
Մանուկյանն ու իր ընկերներնն արդեն Կադիրովից պատասխան են ստացել։  
15:51
12 Օգոստոսի 2017
Հնէաբանները գտել են մարդու և կապիկի ընդհանուր նախահոր գանգը
Մարդու և կապիկի ընդհանուր նախահայրն ապրել է 13 մլն տարի առաջ:
17:46
10 Օգոստոսի 2017
Գեղեցկության մրցույթում Ղրղըզղտանը ներկայացնող հայուհին` սկանդալի պատճառ (ՖՈՏՈ)
«Միսս Ղրղըզստան 2017» մրցույթի հայազգի մասնակից Սուսաննա Եգորյանը դարձել է մասնակիցների վերջին ելույթից հետո սկանդալի պատճառ։
16:23
06 Օգոստոսի 2017
Ինչո՞ւ էին հին եգիպտացիները այդքան տարօրինակ պատկերում մարդկանց
Եգիպտական նկարչության մեջ պատկերը պայմանական էր համարվում:
16:38
05 Օգոստոսի 2017
Ինչ տեսք ունի սպիտակ շնաձկան հարձակումը (ՎԻԴԵՈ)
Գիշատիչը չի գնահատել իր հանդեպ մարդու ցուցաբերած ուշադրությունը և որոշել է քշել ձանձրալի պապարացիին:
17:32
04 Օգոստոսի 2017
Ամերիկացիները հայուհիներին աշխարհում ամենագրավիչն են համարում. հարցում
Այս մասին են վկայում Miss Travel զբոսաշրջային կայքի հարցումները: .
20:49
02 Օգոստոսի 2017
5–ամյա որդու սպանության համար մեղադրվող Արամազդ Անդրեսյանը խոստովանել է մեղքը
Կալիֆոռնիայում 5-ամյա որդու սպանության համար մեղադրվող Արամազդ Անդրեսյանը նախօրեին դատարանում ընդունել է իր մեղքը:
19:25
29 Հուլիսի 2017
Աշխարհը սև–սպիտակ երանգներով. ինչպես են այն տեսնում գունային կուրությամբ տառապողները (ՎԻԴԵՈ)
Խաղաղ օվկիանոսում գտնվող Պինգելապ կղզու բնակիչների շուրջ 10%–ը տառապում է գունային կուրությամբ։
15:28
28 Հուլիսի 2017
Հայաստանի 48-ամյա քաղաքացին փորձել է Բելառուս մուտք գործել ճահճի միջով
«Նովայա Գուտա»անցակետի մերձակայքից Հայաստանի քաղաքացին ցանկացել  է սահմանն անցնել դժվարանցանելի տեղանքով։  
21:11
26 Հուլիսի 2017
Բլոգեր Լապշինն արտահանձնման խնդրագիր է ներկայացրել
Ռուս-իսրայելցի բլոգեր Ալեքսանդր Լապշինն Իսրայել արտահանձնման խնդրագիր է ներկայացրել:
17:19
24 Հուլիսի 2017
4 տոննա ոսկի է հայտնաբերվել խորտակված նացիստական նավում
Բրիտանացի ջրասուզակները Երկրորդ համաշխարհային պատերազմի ժամանակների խորտակված գերմանական բեռնատար նավում ոսկով լի արկղ են գտել: