487.29
-0.01
568.08
+2.76
8.23
+0.01
+6
Եղանակը Երևանում
Հայ
Ռուսաստանը, ԱՄՆ-ն և Ֆրանսիան չխաղացին ակնկալվող դերը ղարաբաղյան կարգավորման հարցում. Թուրքիայի վարչապետ
12:04
01 Փետրվարի 2010

Թուրքիայի վարչապետ Ռեջեփ Թայիպ Էրդողանը կարծում է, որ ԵԱՀԿ Մինսկի խմբի համանախագահող երկրները բավականին ջանքեր չեն գործադրում ղարաբաղյան հակամարտության կարգավորման համար, հաղորդում է Ինտերֆաքսը:

«Մինսկի խումբը լուրջ անուշադրություն է ցուցաբերել: Քսան տարվա ընթացքում նրանք չկարողացան արդյունքի հասնել: Եթե այդ 20 տարվա ընթացքում Ռուսաստանը, Ամերիկան և Ֆրանսիան լրջորեն մոտենային այդ հարցին, ապա որևէ խնդիր չէր մնա», - ասել է Էրդողանը TRT թուրքական հեռոստաալիքին տված հարցազրույցի ժամանակ, հաղորդում է ANS ադրբեջանական հեռուստաալիքը:

Նրա կարծիքով՝ այդ դեպքում Թուրքիայի մոտ լարվածություն չէր մնա Հայաստանի հետ հարաբերություններում, իսկ Հայաստանը խնդիրներ չէր ունենա Ադրբեջանի հետ:

«Եթե համանախագահող երկրներն ասեին, - «Սա այսպես պետք է լինի», ապա Հայաստանը կդադարեցներ օկուպացիան: Այժմ Հայաստանն օկուպանտ է: Դա հաստատում է ԱՄՆ-ն: Եթե բացակայի օկուպացիայի փաստը, ապա խնդիրներ չեն լինի: Սակայն, ցավոք, ոչ Ռուսաստանը, ոչ ԱՄՆ-ն, ոչ Ֆրանսիան չխաղացին իրենցից ակնկալվող դերը», - նշել է Թուրքիայի վարչապետը:

ԵԱՀԿ Մինսկի խումբը ձևավորվել է 1992 թ.-ին, նրա կազմում ընդգրկված է 12 պետություն (Ռուսաստան, ԱՄՆ, Ֆրանսիա, Բելառուս, Գերմանիա, Իտալիա, Ֆինլանդիա, Շվեդիա, Թուրքիա և ԵԱՀԿ «եռյակը», որի կազմում այս պահին ընդգրկված են Հունաստանը, Ղազախստանը, Լիտվան): Բանակցային գործընթացն ընթանում է Մինսկի խմբի համանախագահների հովանու ներքո, որոնք հանդես են գալիս համաձայնեցված դիրքորոշումներով:

1997 թ.-ից Ռուսաստանի հետ միասին խմբի համանախագահներ են դարձել ԱՄՆ-ն և Ֆրանսիան:

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 

1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-

Loading...
Թեմատիկ նյութեր
Բաժնի այլ նյութեր
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով:
16:57
28 Հոկտեմբերի 2017
ԱՄՆ–ի համալսարանում «մարիխուանագետներ» կպատրաստեն
ԱՄՆ–ի համալսարանում մարիխուանայի մասնագետներ կպատրաստեն:
18:44
27 Հոկտեմբերի 2017
ԱՄՆ–ում ոստիկանները մասշտաբային հետապնդում են կազմակերպել 10 տարեկան «մրցարշավորդի» նկատմամբ (ՎԻԴԵՈ)
ԱՄՆ–ում ոստիկանները մասշտաբային հետապնդում են կազմակերպել երեխայի նկատմամբ։
21:17
25 Հոկտեմբերի 2017
Մերկ ակտիվիստուհին հակաադրբեջանական ակցիա է կազմակերպել Ուկրաինայում սեքս–տուրիզմի դեմ
Մերկ աղջիկը, ոչխարի կերպարով, դիմավորել է Բաքվից ժամանող ուղևորներին։
20:24
25 Հոկտեմբերի 2017
Atlassian ընկերության հիմնադիրները մեկ օրում հարստացել են 1,4 մլրդ դոլարով. Forbes
Atlassian ավստրալական կորպորատիվ ծրագրային ընկերության համահիմնադիրները մեկ օրում հարստացել են 1,4 մլրդ դոլարով։
19:00
23 Հոկտեմբերի 2017
Մոսկվայի պետական համալսարանի շենքում տարհանում է իրականացվել հնարավոր պայթյունի հաղորդման պատճառով
Անանուն հաղորդագրություն է ստացվել Լենինսկիե գոռի, 1–ին շենքի պայթյունի վտանգի մասին:
16:58
21 Հոկտեմբերի 2017
Թրամփը նախագահության մեկ տարում կորցրել է 600 մլն դոլար` դառնալով Forbes–ի վարկանիշի գլխավոր անհաջողակը
Forbes–ի վարկանիշի գլխավոր անհաջողակը ԱՄՆ գործող նախագահ Դոնալդ Թրամփն է։
11:24
02 Հոկտեմբերի 2017
Կատալոնացիների 90%–ն «այո» է ասել Իսպանիայից անկանխանալուն
Կատալոնիան անկախ հանրապետություն դառնալու իրավունք է նվաճել հանրաքվեի արդյունքում։