486.78
+0.12
515.5
+2.27
8.41
+0.01
+3
Եղանակը Երևանում
Հայ
ԵՄ-ն Եվրոպայում անվտանգության համակարգի արմատական բարեփոխման անհրաժեշտություն չի տեսնում. Սոլանա
11:25
21 Մայիսի 2009

Եվրամիությունը պատրաստ է Եվրոպայում անվտանգության բարձրացման վերաբերյալ երկխոսություն սկսել Ռուսաստանի հետ, սակայն անվտանգության գործող համակարգի լիամասշտաբ բարեփոխման անհրաժեշտություն չի տեսնում, հինգշաբթի «ՌԻԱ Նովոստիին» տեղեկացրել է Եվրոպական միասնական արտաքին և անվտանգության քաղաքականության բարձր ներկայացուցիչ Խավիեր Սոլանան։

«Եվրամիությունը պատրաստ է բաց և կառուցական երկխոսության Եվրոպայում անվտանգության բարձրացման ուղիների մասին», - նշել է նա մայիսի 21-22-ը Խաբարովսկում անցկացվող ԵՄ-ՌԴ գագաթնաժողովի նախօրեին պատասխանելով գործակալության հարցերին։

Մասնավորապես, Սոլանան խոսել է եվրոպական անվտանգության գործող համակարգի բարեփոխման վերաբերյալ ՌԴ նախագահ Դմիտրի Մեդվեդևի առաջարկության մասին։

«Հնարավոր է, որ ներկայիս կառուցվածքը կատարյալ չէ։ Յուրաքանչյուր կառույց կանոնավոր կրիտիկական վերլուծության և կատարելագործման կարիք ունի։ Այնուամենայնիվ՝ չնայած անվտանգության գործող շրջանակները մասնակիորեն կարգավորման կարիք ունեն, սակայն դրանց լայնամասշտաբ բարեփոխման կարիք չկա», - ընդգծել է Սոլանան։ Նա գագաթնաժողովից «լավ, լուրջ և կառուցողական բանավեճեր է ակնկալում բաց և բարեկամական մթնոլորտում»։

«Մենք ցանկանում ենք զարգացնել մեր երկկողմ համագործակցությունն ու բանակցություններ ենք վարում նոր համաձայնագրի կնքման շուրջ, որտեղ կարտացոլվի մեր հավակնությունների բարձր մակարդակը, այդ թվում նաև էներգետիկայի ոլորտում», - ասել է Սոլանան։

Պատասխանելով ՌԴ-ի և ԵՄ-ի հարաբերություններում առավել խնդրահարույց հարցերի առկայության մասին հարցին՝ Սոլանան նշել է, որ Վրաստանում նախորդ ամառ տեղի ունեցած պատերազմը «ծանր սթրեսային իրավիճակ ստեղծեց մեր հարաբերություններում»։ «Այն դեռևս լուծված չէ, և մենք հարցեր ունենք, որոնց շուրջ կարծիքները տարբեր են։ Այնուամենայնիվ, մենք շարունակում ենք շեշտադրել երկխոսությունն ու հանդիպումները, և ես հուսով եմ, որ մենք կկարողանանք այս հարցի շուրջ կարծիքների կառուցողական փոխանակում ապահովել», - ասել է Սոլանան։

Նրա կարծիքով՝ մեկ այլ խնդրահարույց թեմա է էներգետիկան։ Սոլանայի խոսքերով՝ այս ձմեռ Ռուսաստանի և Ուկրաինայի միջև գազային ճգնաժամից հետո ԵՄ-ն այս ոլորտում ձգտում է «մեր հարաբերությունների ավելի ամուր, ավելի մշակված շրջանակային հիմքի, որպեսզի մենք կարողանանք խուսափել ապագայում նման միջադեպերի կրկնությունից և հաստատել փոխադարձ վստահություն»։

Միաժամանակ Սոլանան ընդգծել է, որ չնայած նրան, որ մի շարք թեմաների շուրջ կողմերի տարաձայնությունները պահպանվում են, «մեր հարաբերությունները բավականին ընդարձակ են, և մենք ի վիճակի ենք շատ լավ համագործակցություն հաստատել այլ հարցերի շուրջ»։

«Մենք պետք է դա հաշվի առնենք դժվարությունների հետ բախվելիս», - նշել է Սոլանան։-0-

Loading...
Թեմատիկ նյութեր
Բաժնի այլ նյութեր
18:35
04 Փետրվարի 2017
Ամերիկացի պլաստիկ վիրաբույժը ուղիղ եթերում առցանց ցուցադրում է իր վիրահատությունները (ՏԵՍԱՆՅՈՒԹ)
Պլաստիկ վիրաբույժ Մեթյու Շուլմանը Նյու Յորքից Snapchat հավելվածով առցանց ռեժիմով հեռարձակում է իր վիրահատությունները:
12:36
30 Հունվարի 2017
Աշխարհի ավիաընկերությունները փոփոխություններ են կատարում անձնակազմերի ցանկերում Թրամփի իմիգրացիոն հրամանի պատճառով
Համաշխարհային ավիաընկերությունները վերանայում են ԱՄՆ իրականացվող չվերթերի անձնակազմերի անդամների ցանկը Իրաքի, Իրանի, Եմենի, Լիբիայի, Սիրիայի, Սոմալիի, Սուդանի քաղաքացիների մուտքի արգելքի մասին հրամանի պատճառով։
18:51
23 Հունվարի 2017
Գամբիայի նախկին նախագահը փախել է երկրից` իր հետ վերցնելով ողջ բյուջեն
Գամբիայի նախկին նախագահ Յայա Ջամեն փախել է երկրից` իր հետ տանելով երկրի` 11.4 մլն դոլար կազմող բյուջեն։
12:44
23 Հունվարի 2017
Հայուհի Գլեդիս Բերեջիկլյանը դարձել է Ավստրալիայի նահանգներից մեկի վարչապետը
Ավստրալահայ քաղաքական գործիչ Գլեդիս Բերեջիկլյանը ընտրվել է Ավստրալիայի Նոր Հարավային Ուելս նահանգի վարչապետ (New South Wales):
20:55
20 Հունվարի 2017
Վաշինգտոնում անցկացվում է Դոնալդ Թրամփի երդմնակալության արարողությունը (ՈւՂԻՂ)
Վաշինգտոնում այս րոպեներին անցկացվում է ԱՄՆ–ի 45–րդ նախագահ Դոնալդ Թրամփի երդմնակալության արարողությունը։
13:06
12 Հունվարի 2017
Ծեծկռտուք Թուրքիայի խորհրդարանում (ՏԵՍԱՆՅՈւԹ)
Թուրքական խորհրդարանի պատգամավորները կռվել են երկրի սահմանադրության մեջ նախատեսված լրացումների քննարկման ժամանակ:
18:25
24 Դեկտեմբերի 2016
Թրամփը պատմել է Պուտինի նամակի մասին
ԱՄՆ նորընտիր նախագահ Դոնալդ Թրամփը «շատ հաճելի է» համարել ՌԴ նախագահի Վլադիմիր Պուտինի նամակն ու կոչ է արել հետևել այդ նամակում ներկայացված մտքերին։
20:45
20 Դեկտեմբերի 2016
Թուրքիայի ոստիկանությունը վեց մարդ է ձերբակալել ՌԴ դեսպանի սպանությունից հետո
Թուրքական ոստիկանությունը վեց մարդ է ձերբակալել ՌԴ դեսպանի սպանության փաստով։
17:06
20 Դեկտեմբերի 2016
AP-ի լուսանկարիչը` ՌԴ դեսպանի սպանության պահի մասին. «Կարծեցի, թե դա հնարք է»
Associated Press-ի լուսանկարիչ Բուրխան Օզբիլիջին, ով Անկարայում ականատես է եղել ՌԴ դեսպանի սպանությանը և լուսանկարել մարդասպանին հարձակումից անմիջապես հետո, ներկայացրել է տեղի ունեցածի մանրամասները:

15:41
19 Դեկտեմբերի 2016
Սիլվեստեր Ստալոնեն հրաժարվել է Թրամփի առաջարկած պաշտոնից
Ամերիկացի հայտնի դերասան Սիլվեստեր Ստալոնեն հրաժարվել է Թրամփի առաջարկած պաշտոնից։
16:48
16 Դեկտեմբերի 2016
ԱՄՆ–ում ներում է շնորհվել թուրք հյուպատոսին սպանած և ցմահ ազատազրկման դատապարտված Հարրի Սասունյանին
ԱՄՆ–ում ներում կշնորհվի Հարրի (Համփիգ) Սասունյանին, ով դատապարտված էր ցմահ ազատազրկման 1982 թ.–ին թուրք հյուպատոս Քեմալ Արիկանի սպանության համար:
14:08
14 Դեկտեմբերի 2016
ՌԴ դաշնային խորհուրդը Սահակ Կարապետյանին նշանակել է ՌԴ գլխավոր դատախազի տեղակալի պաշտոնին
ՌԴ դաշնային  խորհուրդը նշանակել է Սահակ Կարապետյանին ՌԴ գլխավոր դատախազի տեղակալի պաշտոնին թոշակի անցած Ալեքսանդր Զվյագինցևի փոխարեն: