478.82
+0.2
557.59
+7.08
8.14
+0.04
+24
Եղանակը Երևանում
Հայ
Ռուս գործարար Լեբեդևի կողմից ձեռք բերված լոնդոնյան թերթը վերաապրանքանիշավորում է անցկացրել
10:59
12 Մայիսի 2009

Այս տարվա սկզբին ռուս գործարար Ալեքսանդր Լեբեդևի կողմից ձեռք բերված լոնդոնյան Evening Standard թերթը վերաապրանքանիշավորում է անցկացրել և ընթերցողների առջև հանդես է եկել նոր տեսքով և նոր ձևաչափով, հաղորդում է «ՌԻԱ Նովոստիի» թղթակիցը։

Երկուշաբթի երեկոյան նորացված թերթի առաջին համարն անվճար բաժանվել է Լոնդոնի փողոցներում։ «Այսօր Լոնդոնի Evening Standard-ի համար նոր սկիզբ է։ Մենք ունենք արմատապես նոր արտաքին տեսք՝ թարմ, ժամանակակից և ապագայի ձգտումով. մի թերթ, որը լինելու է անկեղծ, անկախ և լուսավորելու է մեր մայրաքաղաքը», - խմբագրական հոդվածում նշել է թերթի գլխավոր խմբագիր Ջորդի Գրեյգը։

Թերթի փոփոխված տարբերանշանին ավելացել է «Լոնդոն բառը», այժմ պարբերականի շապիկին գրված է London Evening Standard։ «Դուք կտեսնեք, որ մենք ավելացրել ենք «Լոնդոն» բառը շապիկի անվան մեջ, գլխավոր տեղում, այնտեղ, որտեղ հենց նրա տեղն է», - նշել է գլխավոր խմբագիրը։

Թերթը սկսել է համագործակցել մի շարք նոր լրագրողների հետ, որոնց թվում են, օրինակ, կատակերգու դերասան Քրիս Ադիսոնը, ով վերջերս նկարահանվել է բրիտանական քաղաքականության ետնաբեմի մասին պատմող «Հանգույցում» (In the Loop) ֆիլմում։

Բացի այդ, ամեն օր թերթում ներկայացվելու են նոր թեմատիկ բաժիններ, օրինակ՝ «Միտումներ», «Նորաձևություն, ոճ և սեքս», «Առողջություն և գեղեցկություն», «Լոնդոնյան կյանք», «Կինո և երաժշտություն», «Տուն և անշարժ գույք», ինչպես նաև ավանդական դարձած ուրբաթ օրը հրատարակվող ESMagazine-ը՝ թարմացված դիզայնով։

«Ամեն օր մենք ձեզ կներկայացնենք նոր բացառիկ պատմություններ և թեժ նորություններ, որոնք ձևավորում են Լոնդոնի օրակարգը», - խոստացել է Գրեյգը։

Գործարկվել է նաև նոր ինտերնետ-ծառայություն՝ istandard.co.uk, որը նախատեսված է շարժական սարքավորումներ օգտագործողների համար, որոնք կկարողանան ստանալ լուրեր, տեղեկատվություն տրանսպորտի երթևեկության մասին, եղանակի տեսություն, արժույթի շուկայի ամփոփագրեր ու մարզական արդյունքներ։

Լոնդոնի գլխավոր թերթի վերաապրանքանիշավորմանը նախորդել է արտաքին գովազդի երեքշաբաթյա արշավ, երբ ողջ քաղաքում փակցվել էին սպիտակ պաստառներ՝ թերթի տարբերանշանով և գրառումներով, որոնք կատարվել էին թերթին բնորոշ տառատեսակով։

Պաստառներում թերթը ներողություն է խնդրել իր ընթերցողներից «բացասական հայացքի», «ինքնագոհության», «կանխատեսելիության» և այլ «մեղքերի» համար, որոնք բացահայտվել են Լոնդոնի բնակիչների շրջանում անցկացվող հատուկ ուսումնասիրության հետևանքով, որն անցկացվել է թերթի նոր տիրոջ հայտնվելուց հետո։

Այս տարվա հունվարին Evening Standard թերթի բաժնետոմսերի մեծ մասի փաթեթի (75 տոկոս) սեփականատեր է դարձել ռուս գործարար Ալեքսանդր Լեբեդևը, ով դրա համար վճարել է խորհդանշական գումար՝ 1 ֆունտ ստեռլինգ։

Հրատարակության գնման վերաբերյալ բանակցությունների հենց սկզբից Լեբեդևը հասկացրել է, որ չի միջամտելու հրատարակության ամենօրյա խմբագրական քաղաքականությանը, սակայն կփոխի թերթի գլխավոր խմբագրին։

Այս պաշտոնում է նշանակվել է 48-ամյա Գրեյգը, ով ավելի վաղ զբաղեցնում էր Tatler միջազգային ամսագրի գլխավոր խմբագրի պաշտոնը։-0-

Loading...
Թեմատիկ նյութեր
Բաժնի այլ նյութեր
16:40
22 Հուլիսի 2017
Հարրի Փոթերի տիեզերքի մասին նոր գրքերը լույս կտեսնեն այս տարվա աշնանը
Հարրի Փոթերի տիեզերքին նվիրված նոր գրքերը լույս կտեսնեն այս աշնանը:
12:48
22 Հուլիսի 2017
Սալվադոր Դալիի բեղերը պահպանել են ձևն ու տեսքը մահից 28 տարի անց
Սալվադոր Դալիի բեղերը պահպանել են ձևն ու տեսքը:
15:51
21 Հուլիսի 2017
Դալիին արտաշիրիմել են. «միանգամայն սյուրռեալիստական իրադարձություն»
Ուրբաթ գիշերը կայացել է գեղանկարիչ Սալվադոր Դալիի աճյունի արտաշիրիմումը։
11:05
21 Հուլիսի 2017
Հունաստանում գրանցված երկրաշարժից տուժածների թվում հայեր չկան. ԱԳՆ
Նախնական տվյալներով, հունական Կոս կղզու մոտակայքում գրանցված երկրաշարժի հետևանքով տուժածների թվում հայեր և Հայաստանի քաղաքացիներ չկան։
13:16
17 Հուլիսի 2017
Ժորժ Քեփենեքյանը, հնարավոր է, դառնա Լիոնի քաղաքապետ
Հայազգի Ժորժ Քեփենեքյանը, հնարավոր է, դառնա Ֆրանսիայի Լիոն քաղաքի քաղաքապետ։
20:51
12 Հուլիսի 2017
Սան Ֆրանցիսկոյում կանխվել է պատմության խոշորագույն ավիաաղետը (ՎԻԴԵՈ)
Սան Ֆրանցիսկոյում կանխվել է ժամանակակից ավիացիայի պատմության խոշորագույն ավիաաղետը։
16:43
12 Հուլիսի 2017
ԱՄՆ պետկառույցները սահմանափակվել են «Կասպերսկու լաբորատորիայի» արտադրանքի օգտագործման հարցում
ԱՄՆ նախագահի վարչակազմը հանել է «Կասպերսկու լաբորատորիան» այն մատակարարների ցուցակից, որոնց արտադրանքը գնում են պետական կառույցները։
14:19
12 Հուլիսի 2017
Հայուհին կարող է ԱՄՆ–ի առաջին տիկին դառնալ
ԱՄՆ-ում պաշտոնապես գրանցվել 2020 թ–ին երկրի  նախագահական ընտրություններում դերասան Դուեյն Ջոնսոնի նախընտրական արշավը։
14:36
11 Հուլիսի 2017
Բնության բացառիկ երևույթ` Հայաստանի եղանակային գուրուից (ՎԻԴԵՈ)
ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը Facebook-ի իր էջում տեսանյութ է հրապարակել։
18:20
09 Հուլիսի 2017
Ամերիկացին 10 րոպեում 72 հոթ դոգ է կերել (ՎԻԴԵՈ)
Nathan's Annual Famous International Hot Dog Eating Contest հոթ-դոգ ուտելու մրցույթն է անցկացվել Նյու Յորքում:
21:35
08 Հուլիսի 2017
Microsoft–ը 3000 աշխատատեղ կկրճատի
Microsoft Corp.–ը հայտարարել է 3 հազար աշխատատեղերի կրճատման մասին։
13:13
03 Հուլիսի 2017
Կրետեում տղամարդ է մահացել շոգի պատճառով
Կրետեում շոգի պատճառով տարեց տղամարդ է մահացել: