487.3
+1.08
565.32
+1.55
8.22
+0.02
+9
Եղանակը Երևանում
Հայ
Օնիշչենկոն հերքել է 7 մլն մոսկվացիների՝ A/H1N1 տեսակի գրիպով վարակվելու հնարավորության վերաբերյալ տեղեկատվությունը
11:05
05 Մայիսի 2009

ԵՐԵՎԱՆ, 5 մայիսի. /Նովոստի-Արմենիա/. Ռոսպոտրեբնադզորի ղեկավար Գենադի Օնիշչենկոն հերքել է տեղեկատվությունն այն մասին, որ A/H1N1 տեսակի գրիպով Մոսկվայում կարող է վարակվել մինչև 7 մլն մարդ։Երկուշաբթի նման հնարավորության մասին հայտարարել է Մոսկվայի Ռոսպոտրեբնադզորի վարչության ղեկավար Նիկոլայ Ֆիլատովը։

«Դեպքերի զարգացման նման սցենար հնարավոր չէ, դա սադրանք ու ապակայունացում մտցնելուց, բնակչության շրջանում խուճապ սերմանելուց բացի ուրիշ ոչինչ չի նշանակում»,- հայտարարել է Օնիշչենկոն ՌԻԱ Նովոստիին։   

Նրա խոսքերով, Ռոսպոտրեբնադզորն այժմ ծառայողական հետաքննություն է վարում՝փորձելով պարզել, թե ով է հաշվել այն մարդկանց թիվը, ովքեր կարող են վարակվել А/H1N1 գրիպի վիրուսով։   

«Եթե այդ թվերի հիման վրա որոշակի որոշումներ են ընդունվել, ապա մենք կխնդրենք Մոսկվայի իշխանություններին իրական հաշվումներ կատարել և իրական հաշվումների ու գնահատականների հիման վրա, որոնք կանեն պատասխանատու մասնագետները, կուղղենք ընդունված որոշումը»,- ասաց Օնիշչենկոն։    

Նա նաև ավելացրել է, որ 20 միլիոնանոց Մեխիկոյում, որտեղ համաճարակը սկսվել է ապրիլի 18-ին, ամենահոռետեսական կանխատեսումներով խոսվում էր 3 հազար հիվանդի մասին։ Այդ իսկ պատճառով հայտարարել այն մասին, որ 7 մլն մոսկվացի կարող է վարակվել, անպատասխանատու է, ասաց Ռոսպոտրեբնադզորի ղեկավարը։  

Մեքսիկայում և ԱՄՆ-ում գրիպի վարակի նախկինում անհայտ հարուցիչով մարդկանց վարակման դեպքերի մասին Առողջապահության համաշխարհային կազմակերպությունը հայտնել է 2009 թ.-ի ապրիլի վերջին։ Նոր վարակը կոչվեց «խոզագրիպ», սակայն ավելի ուշ ԱՀԿ-ն, մի շարք երկրների կառավարությունների և մսի արտադրության ոլորտի ներկայացուցիչների պնդմամբ, որոշում ընդունեց չօգտագործել այդ տերմինը, այլ փոխարինել այն վարակի տեխնիկական անվանմամբ՝ «A/H1N1 գրիպ»։     

Առողջապահության համաշխարհային կազմակերպությունը չորեքշաբթի՝ ապրիլի 29-ին, A/H1N1 գրիպի համավարակի վտանգի մակարդակը 4-ից հասցրել է 5-ի՝ վեցմիավորանոց սանդղակով։

Հիվանդությունն առաջանում է «А»տիպի վարակի հիբրիդից: Հիվանդների մոտ բարձրանում է մարմնի ջերմաստիճանը, ի հայտ են գալիս հազ, հարբուխ, մկանային ցավ, որոշ դեպքերում՝ փսխում և փորլուծություն։

ԱՀԿ մայիսի 4-ին պաշտոնապես հաստատել է մարդկանց՝ A/H1N1 գրիպով վարակվելու 1003 դեպքի մասին։ Հիվանդացածների ամենամեծ թիվը ԱՄՆ-ում ու Մեքսիկայում է՝ 727 և 286 մարդ համապատասխանաբար, համաձայն այդ երկրների բժշական մարմինների տվյալների։ Մահացել է 27 մարդ, 26-ը՝ Մեքսիկայում, մեկը՝ ԱՄՆ-ում։  

Մահվան դեպքեր այլ երկրներում չեն գրանցվել: Հիվանդացության դեպքեր են հաստատվել, մասնավորապես, Մեծ Բրիտանիայում, Իսրայելում, Նոր Զելանդիայում, Կանադայում, Իսպանիայում, Գերմանիայում, Ավստրիայում, Շվեյցարիայում, Նիդեռլանդներում, Դանիայում, Ֆրանսիայում, Հարավային Կորեայում, Չինաստանում, Իտալիայում, Իռլանդիայում, Կոլումբիայում, Պորտուգալիայում:

Մանրամասն մշակման ենթարկված խոզի մսի և դրանից պատրաստված մթերքների օգտագործումը տվյալ վիրուսով վարակվելու վտանգ չունի, նշում է ԱՀԿ-ն։ Պրոֆիլակտիկայի նպատակով խորհուրդ է տրվում օճառով կանոնավոր կերպով և լավ լվանալ ձեռքերը, իսկ գրիպանման հիվանդության նախանշանների առաջացման դեպքում դիմել բուժօգնության։ -0-

Loading...
Թեմատիկ նյութեր
Բաժնի այլ նյութեր
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով:
16:57
28 Հոկտեմբերի 2017
ԱՄՆ–ի համալսարանում «մարիխուանագետներ» կպատրաստեն
ԱՄՆ–ի համալսարանում մարիխուանայի մասնագետներ կպատրաստեն:
18:44
27 Հոկտեմբերի 2017
ԱՄՆ–ում ոստիկանները մասշտաբային հետապնդում են կազմակերպել 10 տարեկան «մրցարշավորդի» նկատմամբ (ՎԻԴԵՈ)
ԱՄՆ–ում ոստիկանները մասշտաբային հետապնդում են կազմակերպել երեխայի նկատմամբ։
21:17
25 Հոկտեմբերի 2017
Մերկ ակտիվիստուհին հակաադրբեջանական ակցիա է կազմակերպել Ուկրաինայում սեքս–տուրիզմի դեմ
Մերկ աղջիկը, ոչխարի կերպարով, դիմավորել է Բաքվից ժամանող ուղևորներին։
20:24
25 Հոկտեմբերի 2017
Atlassian ընկերության հիմնադիրները մեկ օրում հարստացել են 1,4 մլրդ դոլարով. Forbes
Atlassian ավստրալական կորպորատիվ ծրագրային ընկերության համահիմնադիրները մեկ օրում հարստացել են 1,4 մլրդ դոլարով։
19:00
23 Հոկտեմբերի 2017
Մոսկվայի պետական համալսարանի շենքում տարհանում է իրականացվել հնարավոր պայթյունի հաղորդման պատճառով
Անանուն հաղորդագրություն է ստացվել Լենինսկիե գոռի, 1–ին շենքի պայթյունի վտանգի մասին:
16:58
21 Հոկտեմբերի 2017
Թրամփը նախագահության մեկ տարում կորցրել է 600 մլն դոլար` դառնալով Forbes–ի վարկանիշի գլխավոր անհաջողակը
Forbes–ի վարկանիշի գլխավոր անհաջողակը ԱՄՆ գործող նախագահ Դոնալդ Թրամփն է։
11:24
02 Հոկտեմբերի 2017
Կատալոնացիների 90%–ն «այո» է ասել Իսպանիայից անկանխանալուն
Կատալոնիան անկախ հանրապետություն դառնալու իրավունք է նվաճել հանրաքվեի արդյունքում։