487.3
+1.08
565.32
+1.55
8.22
+0.02
+11
Եղանակը Երևանում
Հայ
ՆԱՏՕ-ն դասեր չքաղեց Կովկասում տեղի ունեցած իրադարձություններից. ԱՄՆ-ում ՌԴ դեսպան
12:55
21 Ապրիլի 2009

Ռուսաստանը ցավում է Վրաստանում զորավարժություններ անցկացնելու վերաբերյալ ՆԱՏՕ-ի որոշման կապակցությամբ և այդ որոշման մեջ տեսնում է այն բանի վկայությունը, որ Հյուսիսատլանտյան դաշինքը ճիշտ եզրակացություններ չի արել 2008թ.-ի օգոստոսին Կովկասում տեղի ունեցած իրադարձություններից, որոնք Հարավային Օսեթիայի նկատմամբ Թբիլիսիի ագրեսիայի արդյունքն էին, Նյու Յորքում հայտարարել է ԱՄՆ-ում ՌԴ դեսպան Սերգեյ Կիսլյակը, հաղորդում է «ՌԻԱ Նովոստին»։

ՆԱՏՕ-ի հովանու ներքո Cooperative Longbow 09/Cooperative Lancer 09 բազմազգ վարժանքները կանցկացվեն Վրաստանում մայիսի 6-ից հունիսի 1-ը, որոնց կմասնակցի շուրջ 1,3 հազար զինծառայող Դաշինքի և գործընկեր 19 երկրից։ Վարժանքները ռազմաշտաբային են և կանցկացվեն առանց զենքի և ռազմական տեխնիկայի կիրառման։

«Տարբեր հարցերի շուրջ Ռուսաստանի և ԱՄՆ-ի միջև տարաձայնությունները պահպանվում են և դրա ամենաթարմ օրինակը ՆԱՏՕ-ի մանևրերն են Վրաստանում։ Դա, իհարկե, շատ է մեզ վհատեցնում, քանի որ ամրապնդում է վրացական կառավարության այն զգացումը, թե անկախ Ռուսաստանի նկատմամբ նրա գործողություններից, նա ամեն դեպքում կդառնա ՆԱՏՕ-ի անդամ։

«Վհատեցում է առաջացնում նաև այն, որ օգոստոսյան իրադարձություններից ճիշտ դասեր չեն քաղվել», - ասել է ռուս դեսպանը՝ ելույթ ունենալով ԱՄՆ-ի՝ միջազգային հարաբերությունների ուսումնասիրման առաջատար կենտրոններից մեկում՝ Կառնեգիի խորհրդում (Carnegie Council)։

Պատասխանելով սովորական, ոչ միջուկային սպառազինությունների կիրառմամբ խոշորամասշտաբ հակամարտության հնարավոր մեկնարկի մասին հարցին՝ ռուս դեսպանը նշել է Անդրկովկասում ծագած հակամարտության իրավիճակը, որը ծագել էր Հարավային Օսեթիայի վրա Վրաստանի հարձակումից հետո։

«Ինչպիսի՞ն կլիներ ՆԱՏՕ- պատասխանը, եթե Վրաստանը նրա անդամը լիներ։ Գրեթե ավտոմատ կերպով կկիրառվեր ՆԱՏՕ-ի կանոնադրության հինգերորդ հոդվածը (որի համաձայն՝ ՆԱՏՕ-ի երկրներից մեկ վրա հարձակում կատարելը որակվում է որպես հարձակում դաշինքի մնացած մասնակիցների վրա)», - ասել է Սերգեյ Կիսլյակը։

Այս կապակցությամբ նա կոչ է արել դաշինքին՝ ավելի հավասարակշռված որոշումներ ընդունել նոր երկրներ ընդունելու կապակցությամբ, որոնց ղեկավարությունը «առնվազն պետք է խելամիտ լինի»։

Վրաստանն օգոստոսի 8-ին ռազմական գործողություններ սկսեց Հարավային Օսեթիայում։ Հարավային Օսեթիայի բնակիչների պաշտպանության նպատակով, որոնցից շատերը ռուս քաղաքացիներ էին, Ռուսաստանը որպես օգնություն տարածաշրջան մտցրեց այնտեղ գտնվող խաղաղապահներին՝ շուրջ 10 հազար զինծառայող և ռազմական տեխնիկայի հարյուրավոր միավորներ։

Օգոստոսի 12-ին Ռուսաստանը հայտարարեց Վրաստանին խաղաղության հարկադրելու մասին օպերացիայի ավարտի մասին, իսկ օգոստոսի 22-ին հայտարարեց, որ ավարտել է իր զորքերի դուրսբերումը այն դիրքերին, որոնք սահմանված էին վրաց-օսական հակամարտության կարգավորման Խառը վերահսկող հանձնաժողովի 1999թ.-ի որոշումով։

ՌԴ նախագահ Դմիտրի Մեդվեդևը երեքշաբթի հրամանագրեր ստորագրեց Հարավային Օսեթիայի և Աբխազիայի անկախության ճանաչման մասին և հանձնարարեց ՌԴ ԱԳՆ-ին բանակցություններ սկսել նրանց հետ դիվանագիտական հարաբերություններ հաստատելու վերաբերյալ։

Արևմուտքի երկրները, այդ թվում նաև ՆԱՏՕ-ի անդամ-երկրները քննադատեցին Ռուսաստանին Հարավային Օսեթիայում իրականացված գործողությունների համար և մեղադրեցին նրան ուժերի անհավասարակշիռ կիրառման մեջ։

Սակայն մի քանի ամիս անց որոշ եվրոպացի քաղաքական գործիչներ փաստացի ընդունեցին, որ Վրաստանը ևս պատասխատանու է տարածաշրջանում իրավիճակի սրացման համար։-0-

Loading...
Թեմատիկ նյութեր
Բաժնի այլ նյութեր
15:48
04 Նոյեմբերի 2017
Թրամփի Twitter–ի էջը ջնջվել է
ԱՄՆ նախագահ Դոնալդ Թրամփի Twitter–ի  էջը ջնջվել է:
13:59
29 Հոկտեմբերի 2017
Forbes–ը հրապարակել է աշխարհի ամենահարուստ մարդկանց ցանկը
Հայտնի են աշխարհի ամենահարուստ մարդիկ։
19:27
28 Հոկտեմբերի 2017
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվել է թռիչքի (ՎԻԴԵՈ)
Չինաստանում բորտուղեկցորդուհին ընկել է ինքնաթիռից, երբ վերջինս պատրաստվում էր օդ բարձրանալ:
18:02
28 Հոկտեմբերի 2017
Ամենամատչելի ավտոմեքենաների լավագույն հնգյակը
Ավտոմոբիլային շուկայի մասնագետները կազմել են ամենամատչելի մեքենաների վարկանիշը` ավտոնոմ  ֆունկցիայով:
16:57
28 Հոկտեմբերի 2017
ԱՄՆ–ի համալսարանում «մարիխուանագետներ» կպատրաստեն
ԱՄՆ–ի համալսարանում մարիխուանայի մասնագետներ կպատրաստեն:
18:44
27 Հոկտեմբերի 2017
ԱՄՆ–ում ոստիկանները մասշտաբային հետապնդում են կազմակերպել 10 տարեկան «մրցարշավորդի» նկատմամբ (ՎԻԴԵՈ)
ԱՄՆ–ում ոստիկանները մասշտաբային հետապնդում են կազմակերպել երեխայի նկատմամբ։
21:17
25 Հոկտեմբերի 2017
Մերկ ակտիվիստուհին հակաադրբեջանական ակցիա է կազմակերպել Ուկրաինայում սեքս–տուրիզմի դեմ
Մերկ աղջիկը, ոչխարի կերպարով, դիմավորել է Բաքվից ժամանող ուղևորներին։
20:24
25 Հոկտեմբերի 2017
Atlassian ընկերության հիմնադիրները մեկ օրում հարստացել են 1,4 մլրդ դոլարով. Forbes
Atlassian ավստրալական կորպորատիվ ծրագրային ընկերության համահիմնադիրները մեկ օրում հարստացել են 1,4 մլրդ դոլարով։
19:00
23 Հոկտեմբերի 2017
Մոսկվայի պետական համալսարանի շենքում տարհանում է իրականացվել հնարավոր պայթյունի հաղորդման պատճառով
Անանուն հաղորդագրություն է ստացվել Լենինսկիե գոռի, 1–ին շենքի պայթյունի վտանգի մասին:
16:58
21 Հոկտեմբերի 2017
Թրամփը նախագահության մեկ տարում կորցրել է 600 մլն դոլար` դառնալով Forbes–ի վարկանիշի գլխավոր անհաջողակը
Forbes–ի վարկանիշի գլխավոր անհաջողակը ԱՄՆ գործող նախագահ Դոնալդ Թրամփն է։
11:24
02 Հոկտեմբերի 2017
Կատալոնացիների 90%–ն «այո» է ասել Իսպանիայից անկանխանալուն
Կատալոնիան անկախ հանրապետություն դառնալու իրավունք է նվաճել հանրաքվեի արդյունքում։