478.55
+0.13
562.3
+0.63
8.1
+0.05
+22
Եղանակը Երևանում
Հայ
ՄԱԿ-ը կոչ է անում «քսանյակին» առաջին հերթին օգնել ամենաաղքատ երկրներին
11:11
02 Ապրիլի 2009

ԵՐԵՎԱՆ, 2 ապրիլի. /Նովոստի-Արմենիա/. «Քսանյակի» առաջնորդները Լոնդոնում հանդիպման ժամանակ պարտավոր են այնպիսի համատեղ որոշումներ ընդունել, որոնք առաջին հերթին կօգնեն ամենաաղքատ երկրներին, որոնք անհամեմատ ավելի շատ են տառապում ներկա գլոբալ տնտեսական ճգնաժամից, քան Եվրոպայի և Հյուսիսային Ամերիկայի երկրները, կարծում է ՄԱԿ-ի գլխավոր քարտուղար Պան Գի Մունը, ով ևս մասնակցում է գագաթնաժողովին։

«Գլխավոր քարտուղարը ճնշում է գործադրելու գագաթնաժողովի մասնակիցների վրա, որպեսզի նրանց համոզի անհապաղ կոլեկտիվ գործողություններ ձեռնարկել՝ զարգացման գործընթացն արագացնելու և ապագայի նկատմամբ մարդկանց հավատը պահպանելու համար», - տեղեկացրել է գլխավոր քարտուղարի պաշտոնական ներկայացուցիչ Միշել Մոնտասը գագաթնաժողովի նախօրեին, որին նախապատրաստվելը նշանավորվել է առանցքային մասնակիցների միջև տեղի ունեցած էական տարաձայնություններով։

Պաշտոնական ներկայացուցիչը հատուկ ուշադրություն է դարձրել Պան Գի Մունի այն խոսքերին, որոնց համաձայն ««քսանյակի» գագաթնաժողովի ձախողումը չափազանց ծանր հետևանքներ կունենա»։ Ինչպես պարզաբանել է գլխավոր քարտուղարի ներկայացուցիչը, այդ թեզին կողմնակիցն է նաև Մեծ Բրիտանիայի ԱԳ նախարար Դևիդ Միլիբենդը, ում հետ Պան Գի Մունը հանդիպել էր չորեքշաբթի։

Գագաթնաժողովի մեկնարկից մի քանի ժամ առաջ ամենահրատապ հարցերից մեկն է շարունակում մնալ համաշխարհային առաջատար տնտեսական գերտերությունների միասնականության և գործողությունների համաձայնեցվածության հարցը։ Մի շարք կարևոր հարցերի շուրջ տարաձայնությունները պահպանվում են։

Ամերիկայի Միացյալ Նահանգները, մասնավորապես, կողմ է մասնավոր հատված կատարվող մասշտաբային պետական հոսքերի համաձայնեցված քաղաքականությանը, որը կիրառվում է հենց այդ երկրում։

Եվրոպական տնտեսության լոկոմոտիվները՝ Գերմանիան և Ֆրանսիան, ընդհակառակը, մտավախություն ունեն, որ դա կհանգեցնի պետական պարտքի ավելացմանն ու կարծում են, որ ճգնաժամից դուրս գալու գործիք պետք է դառնա համաշխարհային ֆինանսաարժութային համակարգում կարգավորման և վերահսկման խստացումը։

Վաշինգտոնը նույնպես դեմ է այն գաղափարին, որին ակտիվորեն աջակցում են Ռուսաստանն ու Չինաստանը. այն է՝ դոլարի փոխարեն, որն այժմ դե-ֆակտո կատարում է գլոբալ արժութային պահուստների գործառույթները, ԱՄՀ-ի հաշվարկային միավորի հիման վրա համաշխարհային միասնական պահուստային արժույթի ներմուծման գործընթացի մեկնարկը։

Գագաթնաժողովի ձախողման մտավախություն առաջացրած սկանդալային հայտարարությունով է հանդես եկել Ֆրանսիայի նախագահ Նիկոլյա Սարկոզին՝ ասելով, որ պատրաստ է հեռանալ գագաթնաժողովից, եթե Ֆրանսիայի առաջարկությունները հաշվի չառնվեն, և որ նա մտադիր չէ ստորագրել «կեղծ փոխհամաձայնության» տակ։

Ֆրանսիային աջակցում է Գերմանիան. Եվրամիության երկու առաջատար երկրներն առաջարկել են «համակարգված ռիսկերի» սխեմաներով աշխատող ֆոնդերի և բանկերի նկատմամբ պետության գործողությունների լուրջ խստացման միջոցների ցանկը։ Սարկոզին և Գերմանիայի կանցլեր Անգելա Մերկելն արդեն պայմանավորվել են հանդես գալ միասնական ճակատով լոնդոնյան գագաթնաժողովի ժամանակ։

Պան Գի Մունը մտավախություն ունի, որ տարաձայնությունները հաղթահարելու՝ առաջնորդների անընդունակությունը կհարվածի առաջին հերթին այն երկրներին, որոնք չունեն տնտեսական, ֆինանսական և սոցիալական բավականաչափ պաշարներ ճգնաժամից դուրս գալու և դրա հետևանքները մեղմելու համար՝ կախվածության մեջ գտնվելով հարուստ երկրների գործողություններից։ Նա կփորձի այս գաղափարը ընկալելի դարձնել իր զրուցակիցների համար։

Մոնտասի խոսքերով, ՄԱԿ-ի գլխավոր քարտուղարը «քսանյակի» առաջնորդների ուշադրությունը կհրավիրի այն հանգամանքին, որ «գլոբալ ռեցեսիան հարվածում է յուրաքանչյուրին, սակայն, առաջին հերթին, աղքատներին, նրանք, ովքեր ստիպված են իրենց եկամուտի 80 տոկոսը ծախսել սննդամթերքի վրա»։

Առաջին հերթին աղքատ երկրների (որտեղ ֆինանսական ճգնաժամն արտահայտվում է ոչ թե գործազրկության մակարդակի, այլ մահացության մակարդակի ավելացմամբ) մասին հոգ տանելու վերաբերյալ կոչով էին հանդես եկել ՄԱԿ-ի համակարգի առաջատար գործակալությունները, որոնք սոցիալական, տնտեսական և հումանիտար աջակցություն են ցուցաբեում զարգացող երկրներին։

ՄԱԿ-ի Զարգացման ծրագիրը «քսանյակի» գագաթնաժողովի նախօրեին փաստում է՝ «զարգացած երկրներից իրականացվող դրամական փոխանցումները կտրուկ կրճատվել են, առևտրի համակարգը փլուզվել է, իսկ հիմնական ապրանքների գները մնում են անկայուն, այս ամենը շատ ընտանիքների դնում է արտակարգ աղքատության մեջ, ինչի հետևանքով մահացության մակարդակն աճում է, նշում են ՄԱԿ-ի Զարգացման ծրագրի փորձագետները։ Զարգացող երկրներում 3 տոկոսի չափով ԱԱՀ-ի անկումը հանգեցնում է մանուկների մահացության մակարդակի աճին՝ 47-120 դեպք հազար նորածնի հարաբերությամբ»։

Մեկնաբանելով այս տվյալները՝ ՄԱԿ-ի Զարգացման ծրագրի համակարգողի տեղակալ Էդ Մելկերտը նշում է, որ «աղքատ երկրներում ճգնաժամը կյանքի և մահվան հարց է»։

«Թեև տնտեսության վերականգնումը կարող է սկսվել 2010 թ.-ին, մարդկության զարգացմանը հասցված վնասը կարող է չափազանց դաժան լինել, իսկ սոցիալական վերականգնումը կարող է մի քանի տարի տևել, ընդ որում դրա հետևանքները կարող են զգացվել մինչև 2020 թ.-ը», - հայտարարել է ՄԱԿ-ի Զարգացման ծրագրի ներկայացուցիչը։

«Քսանյակի» գագաթնաժողովի նախօրեին կրթության և գյուղատնտեսության զարգացման վրա ֆինանսական ճգնաժամի լուրջ հետևանքների նույնատիպ գնահատականներով են հանդես եկել նաև ՅՈՒՆԵՍԿՕ-ի գլխավոր տնօրեն Կոիտիրո Մացուուրան և ՄԱԿ-ի գյուղատնտեսության զարգացման հիմնադրամի տնօրեն Կանայո Նվանզեն։-0-

Loading...
Թեմատիկ նյութեր
Բաժնի այլ նյութեր
20:28
21 Օգոստոսի 2017
ԱՄՆ-ն դադարեցնում է մուտքի արտոնագրերի տրամադրումը ողջ Ռուսաստանով
ԱՄՆ-ն օգոստոսի 23-ից դադարեցնում է ոչ ներգաղթողական մուտքի արտոնագրերի տրամադրումն ամբողջ Ռուսաստանով:
15:00
19 Օգոստոսի 2017
Երկրին է մոտենում դիտարկումների ժամանակներից ի վեր խոշորագույն աստերոիդը
Ֆլորենս օբյեկտը (3122) մոլորակից նվազագույն հեռավորության վրա կլինի 2017 թվականի սեպտեմբերի 1-ին:
20:12
18 Օգոստոսի 2017
Հայազգի կալանավորը փորձել է յուրահատուկ կերպով փախչել տամբովյան «Շոուշենկից»
Արկադի Գրիգորյանը քողարկվելով փորձել է փախչել Տամբովի բանտից։
19:15
17 Օգոստոսի 2017
Արևի` ռեկորդային երկար խավարումը տեղի կունենա օգոստոսի 21–ին
Օգոստոսի 21–ին տեղի կունենա բացառիկ երևույթ` Արեգակի խավարում։
14:10
14 Օգոստոսի 2017
ԱՄԷ–ում ձերբակալված ռեժիսոր Արիկ Մանուկյանի ընկերներն օգնություն են խնդրել Ռամզան Կադիրովից (ՎԻԴԵՈ)
Մանուկյանն ու իր ընկերներնն արդեն Կադիրովից պատասխան են ստացել։  
15:51
12 Օգոստոսի 2017
Հնէաբանները գտել են մարդու և կապիկի ընդհանուր նախահոր գանգը
Մարդու և կապիկի ընդհանուր նախահայրն ապրել է 13 մլն տարի առաջ:
17:46
10 Օգոստոսի 2017
Գեղեցկության մրցույթում Ղրղըզղտանը ներկայացնող հայուհին` սկանդալի պատճառ (ՖՈՏՈ)
«Միսս Ղրղըզստան 2017» մրցույթի հայազգի մասնակից Սուսաննա Եգորյանը դարձել է մասնակիցների վերջին ելույթից հետո սկանդալի պատճառ։
16:23
06 Օգոստոսի 2017
Ինչո՞ւ էին հին եգիպտացիները այդքան տարօրինակ պատկերում մարդկանց
Եգիպտական նկարչության մեջ պատկերը պայմանական էր համարվում:
16:38
05 Օգոստոսի 2017
Ինչ տեսք ունի սպիտակ շնաձկան հարձակումը (ՎԻԴԵՈ)
Գիշատիչը չի գնահատել իր հանդեպ մարդու ցուցաբերած ուշադրությունը և որոշել է քշել ձանձրալի պապարացիին:
17:32
04 Օգոստոսի 2017
Ամերիկացիները հայուհիներին աշխարհում ամենագրավիչն են համարում. հարցում
Այս մասին են վկայում Miss Travel զբոսաշրջային կայքի հարցումները: .
20:49
02 Օգոստոսի 2017
5–ամյա որդու սպանության համար մեղադրվող Արամազդ Անդրեսյանը խոստովանել է մեղքը
Կալիֆոռնիայում 5-ամյա որդու սպանության համար մեղադրվող Արամազդ Անդրեսյանը նախօրեին դատարանում ընդունել է իր մեղքը: